Mediku baten erretratua (gaztelaniaz: Retrato de un médico) 1585 eta 1588 artean El Grecok egindako erretratua da, bere "Toledoko garaian" alegia. Margolana Madrilgo Pradoko Museoan erakusten da baina hasiera batean Madrilgo Errege Alkazarrean egon zen. Erretratuaren protagonista zein den ez dago garbi: ikerlari batzuentzat Filipe II.a Espainiakoaren kamera-medikua izan zen Luis de Mercado izan daiteke; beste batuzentzat Rodrigo de la Fuente izan zitekeen, El Grecoren laguna eta garaiko Toledoan pertsona ezaguratsua.
| Mediku baten erretratua | |
|---|---|
 | |
| Jatorria | |
| Sortzailea(k) | Grekoa |
| Sorrera-urtea | 1585 |
| Jatorrizko herrialdea | Espainia |
| Ezaugarriak | |
| Materiala(k) | olio-pintura eta Margo-oihala |
| Dimentsioak | 96 ( ) × 82,3 ( ) cm |
| Genero artistikoa | erretratua |
| Egile-eskubideak | jabetza publiko |
| Deskribapena | |
| Kokapena | |
| Lekua | Pradoko Museoa |
| Bilduma | Pradoko Museoa |
| Inbentarioa | P000807 |
Erretratu honek El Grecoren eskutik sortutako erretratuen ezaugarri beretsuak erakusten ditu: kolore ilunak, aurpegi zurbila, arropa formala eta beltza... Erretratu honen kasuan protagonistak ezkerreko eskuan eraztun bat darama, medikuek eramaten zutena; horregatik ezagutzen dugu haren lanbidea. Ezkerreko esku hori liburu baten gainean dago, modu batez, ikasteko eta erakusteko grina azaltzeko. Liburutik gorago artistaren sinadura ikus daiteke. Margolariak bere interes guztia protegonistarengan zentratu da, haren izaera eta pertsonalitatea azaltzeko asmoz. Espezialisten arabera, El Grecok Tiziano eta Tintorettoren erretratuen tradizioa jarraitu zuen.
- SCHOLZ-HÄNSEL, Michael, El Greco, Kolonia, Taschen, 2003. ISBN 978-3-8228-3173-1.
Datuak: Q5560923
Multimedia: Retrato de un médico, de El Greco (Museo del Prado) / Q5560923
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
