Mazda

Mazda Motor Korporazioa (japonieraz: マツダ株式会社, Matsuda Kabushiki-gaisha^?) egoitza nagusia Japoniako Hiroshiman daukan automobil-ekoizlea da. Japonian, Hiroshimaz gain, beste hiri hauetan ere fabrikak dituzte: Nishinoura, Nakanoseki (Hofu) eta Miyoshi.

Mazda
Datuak
Mota	automobile manufacturer (en) , kapital irekiko enpresa, marka eta automobil marka
Jarduera sektorea	automobilgintza
Herrialdea	Japonia
Jarduera
Kidetza	Linux Fundazioa
Eskumendekoak	Mazda (United States) (en)
Enplegatuak	46.398 (2016)
Ekoizpena	motor eta passenger car (en)
Agintea
Zuzendari exekutiboa	Masamichi Kogai (en)
Egoitza nagusi	Fuchu 34.377°N 132.501°E / 34.377; 132.501
Legezko forma	kabushiki gaisha
Jabea	Japan Trustee Services Bank (en) , Toyota, The Master Trust Bank of Japan (en) eta Sumitomo Mitsui Banking Corporation
Zeren jabe	Sanfrecce Hiroshima, Compañía Colombiana Automotriz (en) , Changan Ford Mazda (en) , Toyo Advanced Technologies (en) eta Mazda Engineering & Technology (en)
Balore-burtsa	Tokioko burtsa
Historia
Sorrera	1920ko urtarrilaren 30a
Sortzailea	Jujiro Matsuda (en)
webgune ofiziala

Historia

1936ko logoa

Jujiro Matsudak Lehen Mundu Gerraren ostean eta Tokio ingurua lurrikara batek suntsitu ostean, 1920. urtean sortutako Toyo Cork Kogyo Company Ltd enpresa, kortxogintzatik makineria eta industria-ekipamendua egitera aldatu zuen. Hain zuzen ere, garraioa garapenerako garrantzia hartuz zihoan neurrian, bi gurpileko ibilgailua ekoizten hasi ziren, arrakasta handiz.

1927. urtean enpresak "Toyo Kogyo CO Ltd" izena hartu zuen, eta 1929. urtetik aurrera hiru gurpileko ibilgailu propioa egitea erabaki zuten: izen komertzialtzat Ahura Mazda hartu zuten. Lehenengo "Mazda DA" modeloa 1931. urtean kaleratu zuten, hain arrakasta handiz, handik hiru urtera ekoizpen-instalazioak handitu egin behar izan zituzten. Baina Estatu Batuekin sortu ziren arazoengatik, ibilgailugintza eta automobilgintza gutxituz joan ziren

Bigarren Mundu Gerraren ostean fabrikazioari ekin zioten berriro, 50eko hamarkadan berriro ere arrakasta handiz, eta hurrengo hamarkadan nazioarteko hedapena lortu zuen; lehenengo Europan, eta geroago Estatu Batuetan (1970etik aurrera).

Besteak beste, lau gurpileko automobilak egiten hasi ziren (Mazda R360 Coupe izan zen lehenengoa), eta teknologia garatuz, Mazda Cosmo erako deportiboak esportatzen hasi ziren, azkenean gama osoa merkaturatuz.

1973ko petrolioaren krisiak jota, Ford-ek Mazdako %25a eskuratu zuen; 90ko hamarkadan logo berria sortu zuten enpresarako. 2008. urtean Ford-ek Mazdan zeukan ondaretik %20 saldu zuen, eta handik bi urtera beste %10, baina lankidetzan jarraitzen dute.

Gaur egun

Arrakastak eta krisiak gorabehera, 2008. urtean 39.364 langilek ziharduten Mazdan lanean. 2010. urtean 1.307.540 automobil ekoiztu zituen Mazdak, eta batez ere Txinan, Japonian, Europan Hego Amerikan eta Ipar Amerikan saltzen dituzte.

Mazda modeloak

Oraingo modeloak

Turismoak

• Mazda 2 / Mazda Demio
• Mazda 3 / Mazda Axela
• Mazda 6 / Mazda Atenza

Monobolumenak

• Mazda 5
• Mazda MPV (Japonian bakarrik)
• Mazda 6 Touring

Deportiboak

• Mazda MX-3
• Mazda MX-5
• Mazda MX-6
• Mazda RX-8
• Mazda RX-7

Lur orotako ibilgailuak

• Mazda Tribute
• Mazda CX-5
• Mazda CX-7
• Mazda CX-9

Pick Up-ak

• Mazda BT-50
• Mazda B Seriea

Lehenagoko modeloak

• Mazda RX-7
• Mazda 121
• Mazda 323
• Mazda 626
• Mazda 929
• Pick up

Kodo diseinudun modeloak

• Takeri (2011)
• Minagi (2011)
• Shinari (2010)

Nagare diseinuko modeloak, zaharragoak

• Mazda MX-5 Superlight version (2009)
• Mazda Kaan (2008)
• Mazda Kiyora (2008)
• Mazda Kazamai (2008)
• Mazda Furai (2008)
• Mazda Taiki (2007)
• Mazda Hazake (2007)
• Mazda Ryuga (2006)
• Mazda Nagare (2006)

Kanpo estekak

• Webgune ofiziala

• Datuak: Q35996
• Multimedia: Mazda / Q35996