Mauricio Kagel

Mauricio Kagel (Buenos Aires, 1931ko abenduaren 24a - Kolonia, 2008ko irailaren 18a) argentinar musikagilea izan zen. Musikagilea izateaz gainera, orkestra-zuzendaria eta zinema-zuzendaria ere izan zen.

Mauricio Kagel
Irudi gehiago
Bizitza
Jaiotza	Buenos Aires, 1931ko abenduaren 24a
Herrialdea	Argentina
Heriotza	Kolonia, 2008ko irailaren 18a (76 urte)
Hezkuntza
Hizkuntzak	alemana
Irakaslea(k)	Hilde Heinitz (en) Juan Carlos Paz (en) Vincenzo Scaramuzza (en)
Jarduerak
Jarduerak	musikagilea, film-zuzendaria, orkestra zuzendaria, unibertsitateko irakaslea, bideoartista, musika-irakaslea, musikologoa eta gidoilaria
Parte-hartzailea documenta 8 (en)
Lantokia(k)	Kolonia
Enplegatzailea(k)	Hochschule für Musik und Tanz Köln (en)
Jasotako sariak	ikusi Officer's Cross of the Order of Merit of the Federal Republic of Germany Erasmo saria  (1998) Rolf Schock Prize in Musical Arts  (2005) Ernst von Siemens Music Prize  (2000) Grimme-Preis  (1970) Grimme-Preis  (1971) : Ludwig van (en) honorary doctor of the University of Siegen Order of Merit of North Rhine-Westphalia  (1993)
Kidetza	Berlingo Arteen Akademia
Genero artistikoa	opera
Diskoetxea	Deutsche Grammophon (en)
mauricio-kagel.com…

Bere kontura ikasi zuen, musika-irakasle partikularren gidaritzapean. Buenos Airesko Música Nueva taldeko kide egin zuten 1949an, eta, urtebete geroago, Argentinako Zinematekaren sorreran parte hartu zuen. 1955ean, Colon Antzokiko Ganbera Operaren zuzendari izendatu zuten. Handik bi urtera, Alemaniara alde egin zuen, eta Kolonian jarri zen bizitzen. Alemanian, hainbat lekutan aritu izan da lanean: Rhingo Ganbera Orkestraren zuzendaria izan da (1957-1961), Darmstadt ikastaroetako irakaslea (1960), Rhingo Musika Eskolako Musika Berrien Institutuko zuzendaria (1967) eta Koloniako Goi Musika Eskolako antzerki-irakaslea (1974). Musika-lan ugari egin ditu, tresna nahiz ahotserako musika, antzerkirako musika eta abar. Musika esperimentaleko filmak ere egin izan ditu. Lan aipagarrienen artean ditu: Harirako sestetoa (1957), Heterofonia (1961), Errenazimentuko tresnetarako musika (1966) eta Exotikoa (1972). Ahots musikarako, Aleluia (1968) egin zuen, eta harena da, halaber, Stadtstheater (1970) antzerki musikala. 1975ean, Tamtam argitaratu zuen, bere lana definitzen duen liburua.

Irakasle bezala, batzuen artean, Carola Bauckholt izan zuen ikasle.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q178293
• Multimedia: Mauricio Kagel / Q178293