Mairu Guardia

Mairu Guardia (gaztelaniaz: Guardia Mora) eliteko unitate militar bat izan zen, jatorriz Marokokoa (horregatik zuen mairu izena), Francisco Francoren guardia pertsonala izan zena Espainiako Gerra Zibilean eta Francoren diktadurako lehen urteetan. Espainiaren Afrikako Armadako kideen artean hautatutako gudariek osatua zen, eta uniforme arranditsuak zituen ezaugarri. Denborarekin, Mairu Guardia frankismoaren ikurretako bat bihurtu zen.^[1]

Mairu Guardia
Mota	Unitate militar
Sorrera	1936ko urria
Herrialdea	Spain (en)

Mairu Guardia 1956an desegin zen, Marokok independentzia lortu ondoren.^[2] Hala ere, Espainiako Erresumak, diktadura frankistarekin etenik izan ez duenez, unitate frankista horretako kide erretiratuei eta ondorengoei ordaintzen jarraitzen du: 2017an, 7,2 milioi euro.^[3]