Maialen Chourraut

Maialen Chourraut Iurramendi (Lasarte-Oria, 1983ko martxoaren 8a) euskal kirolaria da, ur bizietako kayak (K1) modalitatean aritzen dena. Atletico San Sebastian taldekoa da. 2024an, 41 urte dituela, Parisen bere bosgarren Olinpiar jokoetan hartuko du parte.^[1]

Maialen Chourraut
(2024) Irudi gehiago
Bizitza
Jaiotza	Lasarte-Oria, 1983ko martxoaren 8a (41 urte)
Herrialdea	Gipuzkoa, Euskal Herria
Familia
Bikotekidea(k)	ikusi Javier Etxaniz
Familia	ikusi Pau Etxaniz (semeorde)
Hezkuntza
Heziketa	UNED
Hizkuntzak	gaztelania euskara
Jarduerak
Jarduerak	kayaklaria
Parte-hartzailea canoeing at the 2012 Summer Olympics – women's slalom K-1 (en) (3.) canoeing at the 2008 Summer Olympics – women's slalom K-1 (en) (16.) canoeing at the 2016 Summer Olympics – women's slalom K-1 (en) (1.) Kanoa 2020ko Udako Olinpiar Jokoetan - Emakumezkoen K-1 slaloma (2.) Kanoa 2024ko Udako Olinpiar Jokoetan - Emakumezkoen K-1 slaloma (12.) Kanoa 2024ko Udako Olinpiar Jokoetan - Emakumezkoen KX-1 slaloma (12.)
Altuera	161 zentimetro
Jasotako sariak	ikusi Lan Onari  (2012) kirol merezimenduzko errege ordenako urrezko domina
maialenchourraut.com

Hiru domina olinpiko lortu ditu bere ibilbidean: brontzea 2012ko Udako Olinpiar Jokoetan, urrea 2016an Rio de Janeiron, eta zilarra Tokion, 2020ko Udako Olinpiar Jokoetan.

Maialen Chourraut lasarteoriatarraren kirol-merituen omenez, Lasarte-Oriako Kiroldegi Munizipalaren izena, “Lasarte-Oriako Maialen Chourraut Kiroldegi Munizipala” izango da.

Ibilbidea

Atletico San Sebastian klubean hasi zen piraguismoan 12 urte zituenean. 2000an, Bratislavako Munduko Junior Txapelketan, parte hartu zuen, eta 2001ean, Espainiako selekzio nagusian sartu zuten. 2004an, 23 urtez azpiko Europako txapeldunorde atera zen. 2008an, Beijingo Olinpiar Jokoetan, 16. postua lortu zuen.^[2] 2009ko Munduko Txapelketan bigarren eta 2011koan hirugarren gelditu ostean, 2012an Cardiffen eta Pauen jokatutako Munduko Kopako probetan nagusitu zen^[3] eta Londresko Olinpiar Jokoetan bere ibilbideko arrakasta handienetako bat erdietsi zuen: brontzezko domina.^[4]

2013an, lehiaketetatik at egon zen, ama izan zelako. 2014an, Europako txapeldunorde izan zen taldekako K-1 Eslalomean, eta La Seu d'Urgelleko Munduko Kopako proba irabazi zuen. 2015ean, Markkleebergen jokatutako Europako Txapelketan urrezko domina kolkoratu zuen.^[2]

2016an, azkenik Rioko Olinpiar Jokoetan, urrezko domina erdietsi zuen arrakasta handiz. Chourrautena izan zen inoiz euskal emakume batek bakarka lortu zuen lehen urrezko domina.^[5]

2020ko Tokioko Olinpiar Jokoetan, zilarrezko domina lortu du, hark amesten zuen moduan.^[6][7][8]

2023. urteko denboraldiaren hastapenetan, ahaztua du 2022an sorbaldan egindako ebakuntza; irailean izango du 2024ko Parisko Olinpiar Jokoetarako mugarri nagusia: Munduko Txapelketa, Londresen. Sailkatuz gero, Pariskoak laugarrenak lituzke. Gainera, "asko motibatzen du Jokoetan bi modalitatetan lehiatu ahal izateak".^[9]

2024ko Udako Olinpiar Jokoetan Parisen ibilbidearen hasieran oztopo batean izandako akats batengatik zigortua izan zen eta finalisten azken postura joanarazi zion.^[10]

2024ko irailaren 20an Maialen Chorrautek irabazi du K1eko Munduko Kopa Seu d’Urgell Parke Olinpikoan, canoe slalom modalitatean.^[11][12][13]

Emaitzak

Olinpiar Jokoak
Urtea	Lekua	Domina	Proba
2008	Beijing (Txina)	16.a	K1 bakarkakoa
2012	Londres Erresuma Batua	03 !	K1 bakarkakoa
2016	Rio de Janeiro ( Brasil)	01 !	K1 bakarkakoa
2020	Tokio ( Japonia)	02 !	K1 bakarkakoa
Munduko Txapelketak
Urtea	Lekua	Domina	Proba
2007	Foz do Iguaçu ( Brasil)	14.a	K1 bakarkakoa
2007	Foz do Iguaçu ( Brasil)	7.a	K1 taldeka
2009	La Seu d'Urgell ( Katalunia)	02 !	K1 bakarkakoa
2009	La Seu d'Urgell ( Katalunia)	11.a	K1 taldeka
2011	Bratislava ( Eslovakia)	03 !	K1 bakarkakoa
2015	Londres ( Erresuma Batua)	5.a	K1 bakarkakoa
2015	Londres ( Erresuma Batua)	9.a	K1 taldeka
2024	La Seu d'Urgell ( Katalunia)		K1 bakarkakoa

Erreferentziak

1. (Gaztelaniaz) Marcos, Nagore. (2024-07-23). «Maialen Chourraut, la más brava del Olimpo» Noticias de Gipuzkoa (Noiz kontsultatua: 2024-07-23).
2. Maialen Chourraut. basqueteam.eus (Noiz kontsultatua: 2016-8-7).
3. Maialen Chourraut izan da nagusi Munduko Kopako lehen bi probetan^{[Betiko hautsitako esteka]}
4. Maialen Chourrautek brontzezko domina irabazi du K1ean, eitb.eus
5. «Urrezko domina Chourrautentzat» Berria 2016-08-12.
6. berezia, Jakes Goikoetxea, Berriemaile. ««Ametsa domina bat lortzea da; helburua, Maialen azkar bat ikustea»» Berria (Noiz kontsultatua: 2021-07-27).
7. SL, TAI GABE DIGITALA. (2021-07-27). «Maialen Chourrautek zilarrezko domina eskuratu du Tokion» naiz: (Noiz kontsultatua: 2021-07-27).
8. Berria. «ZUZENEKOA: Maialen Chourrautek zilarrezko domina irabazi du» Berria (Noiz kontsultatua: 2021-07-27).
9. Gascon, Ainara Arratibel. ««Asko motibatzen nau Jokoetan bi modalitatetan lehiatu ahal izateak»» Berria (Noiz kontsultatua: 2023-04-12).
10. (Gaztelaniaz) Calonge, Lorenzo. (2024-07-28). «Maialen Chourraut y la pesadilla de la puerta dos» El País (Noiz kontsultatua: 2024-09-20).
11. (Gaztelaniaz) «Maialen Chorraut conquista la Copa del Mundo de K1» Diario AS 2024-09-20 (Noiz kontsultatua: 2024-09-20).
12. (Gaztelaniaz) «Maialen Chourraut se corona campeona del mundo de K1 en la Seu d'Urgell» ElNacional.cat 2024-09-20 (Noiz kontsultatua: 2024-09-20).
13. (Gaztelaniaz) «Maialen Chourraut, oro en K1 en la final de la Copa del Mundo de La Seu» MARCA 2024-09-20 (Noiz kontsultatua: 2024-09-20).

Kanpo estekak

• Elkarrizketa: "La Seu nire erosotasun lekua zen, eta aldatu egin nahi nuen hori; lortu dut" Berria, 2020.11.17
• Elkarrizketa: "Adinean gora noalako uzi behar dut? Parisen bi domina lor daitezke""Berria , 2021.12.21
• Elkarrizketa: "Ur bizien aurretik, ur lasaietan" Berria, 2022.07.28
• Elkarrizketa: "Asko motibatzen nau Jokoetan bi modalitatetan lehiatu ahal izateak" Berria, 2023.04.12

• Datuak: Q2718905
• Multimedia: Maialen Chourraut / Q2718905