Lucien Petit-Breton

Lucien Georges Mazan (1882ko urriak 18 – 1917ko abenduak 20) frantziar-argentinar txirrindulari bat izan zen, Lucien Petit-Breton ezizenez ezagunagoa izan zena. Plessé hirian jaio zen, Loira Atlantikoa frantziar departamenduan (frantziako Bretainian zegoen hiria eta gaur egun Loirerria departamenduaren zati dena). 6 urte zituenean bere familiarekin Buenos Airesera joan zen, beranduago argentinar nazionalitatea lortuz.

Lucien Petit-Breton
Irudi gehiago
Bizitza
Jaiotzako izen-deiturak	Lucien Georges Mazan
Jaiotza	Plessé, 1882ko urriaren 18a
Herrialdea	Frantzia
Heriotza	Troyes, 1917ko abenduaren 20a (35 urte)
Heriotza modua	istripuzko heriotza: trafiko-istripua
Hezkuntza
Hizkuntzak	frantsesa
Jarduerak
Jarduerak	txirrindularia
Ibilbidea
Taldeak	Urteak
Automoto	1914-1914
Parte-hartzailea 1905eko Frantziako Tourra (5.) 1906 Paris-Tours (en) (1.) 1906ko Frantziako Tourra (4.) 1907 Milan – San Remo (en) (1.) 1907ko Frantziako Tourra (1.) Paris-Hesdin (en) (2.) 1908ko Belgikako Itzulia (1.) 1908 Paris–Brussels (en) (1.) 1908ko Frantziako Tourra (1.) 1910 French National Road Race Championships (en) (3.) 1911ko Italiako Giroa (5.) 1912 Bordeaux–Paris (en) (2.) 1912 Paris-Tours (en) (3.) Paris-Menin (en) (3.)
Jasotako sariak	ikusi Frantziarengatik hila
Zerbitzu militarra
Parte hartutako gatazkak	Lehen Mundu Gerra

Biografia

Zozketa batean bizikleta bat lortu ondoren bere karrera hasi zen txirrindulari bezala, bere iata horren aldekoa ez zen arren, bere semearentzat lan serioago bat nahi zuena. Hasiera batean Lucien Breton ezizena hartu zuen, baina ondoren Petit-Bretongatik aldatu zuen, Lucien Breton izeneko beste txirrindulari bat bazegoen eta.

Bere lehen garaipen garrantzitsua Argentinako pista txirrindularitzako txapelketan lortu zuen. 1902an soldadutza egin zezan deitu zuen frantziar armadak, eta beraz Frantziara itzuli zen. Bi urte beranduago Bol d'Or pista txirrindularitza lasterketa frantziar ospetsua irabazi zuen. 1905ean orduko errekorra gainditu zuen Parisko Buffalo belodromoan, 41,110 kilometroko errekorra lortuz. Urte horretan bertan errepideko txirrindularitzako probetan parte hartzen hasi zen.

Frantziako Tourra bi urtez jarraian irabazi zuen 1907 eta 1908an, hala, Itzuli Handi hau bitan irabazi zuen lehen txirrindularia izan zelarik. 1907an, Petit-Breton Milan-San Remo klasikoaren lehen garailea ere izan zen, eta 1908an Paris-Bruselas irabazi zuen, honako hau bere karrerako azken garaipen handia izango zena. Hirugarren izan zen Frantziako errepideko txirrindularitzako txapelketan 1910ean. Belgikako Itzuliaren lehen edizioa irabazi zuen 1908an. Urte horretan bertan irabazi zuen Paris-Brusela proba.

Lehen Mundu Gerraren hasierak bere kirol karreraren amaiera suposatu zuen, frantziar armadan sartu baitzen borrokatzeko. Txirrindularia 1917an hil zen Troyesetik gertu gertatu zen trafiko istripu batean.

Palmaresa

1906

• Paris-Tours
• 4. Frantziako Tourrean

1907

• Milan-San Remo
• Frantziako Tourra eta 2 etapa

1908

• Frantziako Tourra eta 5 etapa
• Belgikako Itzulia eta 4 etapa
• Paris-Bruselas
• Belgikako Itzulia eta 4 etapa

1910

• 3. Frantziako errepide txirrindularitzako txapelketan

1911

• Italiako Giroko etapa 1

1912

• 2. Bordele-Parisen
• 3. Paris-Toursen

Sailkapen orokorra Itzuli Handietan

Itzuli Handia	1905	1906	1907	1908	1909	1910	1911	1912	1913	1914
Italiako Giroa	—	—	—	—	UT	UT	UT	—	—	UT
Frantziako Tourra	5.	4.	1.	1.	—	UT	UT	UT	UT	UT

Legenda

—	Ez zuen parte hartu
DSK	Deskalifikatua
UT	Utzi

Aurrekoa René Pottier

Frantziako Tourraren irabazlea 1907 eta 1908

Ondorengoa François Faber

Erreferentziak

Kanpo estekak

Lucien Petit-Breton - ProCyclingStats

Wikimedia Commonsen badira fitxategi gehiago, gai hau dutenak: Lucien Petit-Breton

• Datuak: Q318033
• Multimedia: Lucien Petit-Breton / Q318033