Louise-Joséphine Sarazin de Belmont

Louise-Joséphine Sarazin de Belmont (Versalles, 1790eko otsailaren 14a– Paris, 1870 edo 1871) paisaiaren pinturan espezializatutako margolari eta litografo frantsesa izan zen. ^[1]

Louise-Joséphine Sarazin de Belmont
Irudi gehiago
Bizitza
Jaiotza	Versailles, 1790eko otsailaren 14a
Herrialdea	Frantzia
Heriotza	Parisko 5. barrutia, 1870eko abenduaren 9a (80 urte)
Hezkuntza
Hizkuntzak	frantsesa
Jarduerak
Jarduerak	margolaria
Lan nabarmenak	ikusi Paris, vu des hauteurs du Père Lachaise (en) Q17583658
Genero artistikoa	paisaia margolaritza

Biografia

Pierre-Henri de Valenciennes-en ikaslea, plenairismoaren erakuslea, 1812an hasi zen bere lana Parisko Aretoan erakusten. 1830ean, bere maisu ohiak gomendatuta, denboraldi bat eman zuen Pirinioetan; Jeret haraneko artzain baten bordan jarri zen, eta aire zabaleko pintura egin zuen, olio-pintura formatu txikitan. Hurrengo urtean, Pirinioetako erretiroan egindako lanak aurkeztu zituen areto ofizialean, eta bigarren mailako domina eman zioten. Sari honek Vues des Pyrénées izeneko bilduman aurkeztutako litografia batzuk marraztera animatu zuen.^[2] 1834an lehen saria lortu zuen Aretoan. ^[3]

Bere bizitza osoan zehar paisaiak margotzen jarraitu zuen bere bidaiez baliatuz: 1836tik 1837ra Nantesen eta Bretainian barrena; 1841 eta 1865 bitartean Italian bizi izan zen, Erroma, Florentzia, Napoli eta Orvietoko paisaiak pintatuz. ^[4] Bere bidaiak berak antolatutako enkanteetan saldu zituen bere lanekin ordaindu zituen.^[5] 1861ean beste domina bat irabazi zuen. 1865ean Parisera itzuli zen behin betiko, eta bere azken lanak 1868an aurkeztu zituen Salon lehiaketatik kanpo. ^[4]

Lanak

Bere obra, oro har, eszena historiko edo pastoralak zituzten paisaietan oinarritu zen. Pinturan paisaiari balioa ematearen aitzindaritzat hartzen da, ordura arte garrantzi txikikotzat jotzen zen eta XIX. mendearen bigarren erdian garrantzia hartu zuen. Bere ibilbidean, Josefina enperatrizaren mezenasgoa izan zuen, eta, geroago, Berryko dukesaren laguntza. ^[1]

Galeria

• 
• 
• 
• 
• 
• 
• 
• 
• 

Erreferentziak

1. Caso 2017.
2. Joséphine Sarazin de Belmont (1790-1870). Houbigant.
3. Landon 1834.
4. Rosenfeld 2017.
5. Cabrejas, Carmen; Romanticismo, Museo del. CICLO DE CHARLAS " MUJERES ARTISTAS DEL SIGLO XIX " (II): En la naturaleza. .

Bibliografia

• Caso, Ángeles (2017). Grandes Maestras. Mujeres en el arte occidental: renacimiento - s.XIX. La Letra Azul. ISBN 8494574523.  |fechaacceso= requiere |url= (ayuda)
• Landon, Charles Paul (1834). Annales du musée et de l'école moderne des beaux-arts, ou Recueil des principaux tableaux, statues et bas-reliefs exposés au Louvre. Salon de 1834 (en francés). ISBN 978-0-543-89984-2. Consultado el 19 de diciembre de 2017. 
• Rosenfeld, Daniel (1991). European Painting and Sculpture, Ca. 1770-1937, in the Museum of Art, Rhode Island School of Design (en francés). University of Pennsylvania Press. ISBN 0-911517-55-3. Consultado el 19 de diciembre de 2017. 

Kanpo estekak

• Datuak: Q3263639
• Multimedia: Louise-Joséphine Sarazin de Belmont / Q3263639