Lori eta George Schappell (West Reading, 1961eko irailaren 18a – Filadelfia, 2024ko apirilaren 7a) estatubatuar biki siamdarrak izan ziren. George country abeslaria izan zen. 2020tik hil ziren arte, munduko biki siamdar zaharrenak ziren[1][2], eta Errekorren Guinness Liburuaren arabera, genero-identitate desberdinak zituzten munduko lehen biki siamdarrak ere bai[3].
| Lori eta George Schappell | |
|---|---|
| Bizitza | |
| Jaiotza | West Reading, |
| Heriotza | Filadelfia, |
| Jarduerak | |
Biki siamdar kraniopagoak ziren, buruan elkartuak, baina oso nortasun desberdinak zituzten[4], eta bizitza bereiziak eraman zituzten ahal ziren neurrian[5]. George ezin izan zen ibili arantza bifidoagatik[6].
Lehen 24 urte desgaitasun mentala dutenentzako erakunde batean eman zituzten. 1988tik aurrera, Readingen bizi ziren laguntza berezirik jaso gabe[7]. Georgek haien jaiotze-izenak errima zutenez gustuko ez zuen eta hasiera batean Reba izena hautatu zuen Reba McEntire abeslariaren omenez. 2007an armairutik irten zen gizon trans gisa eta George izena erabiltzen hasi zen[3].
Bikiak eskola publiko batean graduatu ziren eta geroago unibertsitatean ikasi zuten[8][4].
Country abeslari gisa, George kontzertuak eman zituen Estatu Batuetan eta Alemania eta Japonia bisitatu zituen. 1997an LA Music Awards saria irabazi zuen country artista berri onena gisa. Fear of Being Alone abestia grabatu zuen Stuck on You filmerako[7]. Lori Georgeren laguntzaile gisa aritu zen. Horrez gain, ospitaleko garbitegian lan egin zuen[8][4].
Lori eta George Schappell Pennsylvaniako Unibertsitateko Ospitalean hil ziren 2024ko apirilaren 7an, 62 urte zituztela[5][9].
| Data | Izenburua | Pertsonaiak | Oharrak |
|---|---|---|---|
| 1993 | The Maury Povich Show | ||
| 1996 | Jerry Springer | ||
| 1997ko irailaren 8a | Twins - The Divided Self | ||
| 1997ko irailaren 11 | The Unexplained | Atal batean: "The Twin Connection" | |
| 1998 | Face to Face: The Schappell Twins | ||
| 1998ko urriaren 7a | Howard Stern | ||
| 2000 | Separate Lives | ||
| 2002ko maiatzaren 15a | The Jerry Springer Show | ||
| 2002ko maiatzaren 31 | Howard Stern | ||
| 2004ko abuztuaren 17a | Nip/Tuck | Rose eta Raven Rosenberg | Atal batean: "Rose and Raven Rosenberg" |
| 2005 | Medical Incredible | ||
| Extraordinary People: Joined at the Head | |||
| 2007 | X's & O's | ||
| Inside Extraordinary Humans: Science of Conjoined Twins | |||
| 2007ko irailaren 24a | Aksizei na to deis |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
