Klorazepato

Klorazepatoa edo azido klorazepikoa konposatu organikoa da, C₁₆H₁₁ClN₂O₃ formula duena, bentzodiazepinen familiakoa eta azido karboxilikoen klasekoa. Konposatu organokloratutzat jo daiteke. Solido horixka da. Uretan disolbagarria da, baina disolbaezina ohiko disolbatzaile organikoetan^[1].

Klorazepato
Formula kimikoa	C16H11ClN2O3
SMILES kanonikoa	2D eredua
MolView	3D eredua
Mota	Bentzodiazepina
Masa molekularra	314,046 Da
Erabilera
Tratatzen du	antsietate-nahasmendu eta focal epilepsy (en)
Haurdunaldia	US pregnancy category D (en)
Rola	GABAA receptor positive allosteric modulators (en)
Identifikatzaileak
InChlKey	XDDJGVMJFWAHJX-UHFFFAOYSA-N
CAS zenbakia	23887-31-2
ChemSpider	2707
PubChem	2809
Reaxys	757058
Gmelin	3761
ChEMBL	CHEMBL1213252
EC zenbakia	245-926-8
ECHA	100.041.737
RxNorm	235408 eta 2353
Human Metabolome Database	HMDB0014766
UNII	D51WO0G0L4
NDF-RT	N0000147780
KEGG	C06921

Klorazepatoaren potasio-gatza, dipotasio klorazepatoa (C₁₆H₁₀ClKN₂O₃·KOH), botika gisa baliatzen da bere ezaugarriak medio: antsietatea, epilepsia eta insomnioa tratatzeko usatzen da bereziki. Pilula gisa hartzen da. Espainian Traxilium makararekin merkaturatzen da^[2]. Frantzian Tranxène eta Traxilium markekin merkaturatzen da.

Beste bentzodiazepinak legez aisiadirako droga moduan ere kontsumitzen da. Mendekotasuna sor dezake eta abstinentzia-sindromea eragin dezake.

Nordazepama eta oxazepama klorazepatoaren metabolito gisa eratzen dira.

Sintesia

Klorazepatoaren sintesia abiatzen da 2-amino-5-klorobentzonitriloa, fenilmagnesio bromuroarekin tratatuz. Ondoren beheko eskemari jarraitzen zaio sintesia^[3].

Albo-ondorioak

Albo-ondorio ohikoenak logura, ahuldadea, ezinegona, koordinazio-arazoak, kontzentratzeko-arazoak eta memoria-arazoak izaten dira^[2].

Kontraindikazioak

Klorazepatoa ez da hartu behar botikarekiko hipersentikortasuna, alkohol-kontsumoa, droga-mendekoatasuna, miastenia larria edo arnasteko arazo larriak baldin badaude. Haurdunaldian eta edoskitzean Klorazepatoa hartzea ebitatuko da^[2].