Joaquín Vallejo Arbeláez (Rionegro, Antioquia, 1912ko urriak 4 – Medellín, Antioquia, 2005eko abenduak 31) kolonbiar ingeniari, ekonomista, idazle eta politikaria izan zen.
| Joaquín Vallejo Arbeláez | |||
|---|---|---|---|
1965eko uztailaren 14a - 1966ko abuztuaren 7a | |||
| Bizitza | |||
| Jaiotza | Rionegro (en)  , 1912ko urriaren 2a | ||
| Herrialdea |  Kolonbia | ||
| Heriotza | Medellín, 2005eko abenduaren 31 (93 urte) | ||
| Heriotza modua | : pneumonia | ||
| Hezkuntza | |||
| Heziketa | National University of Colombia at Medellín (en) Kolonbiako Unibertsitate Nazionala | ||
| Hizkuntzak | gaztelania | ||
| Jarduerak | |||
| Jarduerak | ingeniari zibila, idazlea, politikaria eta diplomazialaria | ||
| Sinesmenak eta ideologia | |||
| Alderdi politikoa |  Kolonbiako Alderdi Liberala | ||
Medellíngo Meategi Eskola Nazionalean egin zituen ingeniaritza-ikasketak. Bere garaiko beste ingeniari askok bezala, enpresa-zuzendaritzara bideratu zuen bere karrera, baina irakaskuntza eta zientziaren filosofiako ikasketak erabat baztertu gabe. Cementos del Valle (1939) enpresako superintendente gisa hasi zen lanean, eta Droguerías Aliadas enpresako kudeatzailea eta enpresaburua izatera iritsi zen. Garai hartako enpresa handienetako bat zen hura. Vallejoren zuzendaritzapean, enpresa beste alor batzuetara zabalduz joan zen, eta esportazio- eta urbanizazio-alorretan ere aritu zen. Vallejok arrakasta handia izan zuen, baita bere negozio partikularretan ere: La Quinta paper-fabrika sortu zuen Candelarian (Valle del Cauca), eta herrialdeko txerri-haztegi modernoena eraiki zuen.
Bolada batez politikan ere aritu zen, Medellíngo zinegotzi gisa, eta Antioquiako Biltzarreko diputatu. Fronte Nazionalaren garaian, Garapen, Finantza eta Gobernu Ministerioen ardura izan zuen zenbaitetan. Ekonomiaren alorrean, bere izenaz ezagutzen den plangintza ospetsu bat prestatu zuen, Vallejo plangintza, Kolonbiako esportazioak bultzatzeko.
Pentsalari eta idazle gisa, zenbait obra idatzi zituen: ABC de la integración latinoamericana (1960, Latinoamerikar integrazioaren hastapenak); Modelos económicos de desarrollo (1985, Garapenerako ekonomia-ereduak); El misterio del tiempo (1976, Denboraren misterioa); Las fronteras de las libertades (1980, Askatasunen mugak). Azkeneko urteetan teologia eta mistikaren gogoetaren alorretan barneratu zen, askatasuna, lege naturalen determinismoa eta jakintzaren erlatibitateak erakarrita.
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q3753495
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
