Itsasaldeko gaskoia gaskoiaren azpidialektoa da, Landetako mendebaldeko eskualdean, Baiona inguruan (non gascon de Baiona —«Baionako gaskoia»— izena duen), Girondako hego-mendebaldean (Arcachongo badian) hitz egiten dena.[1] Gaskoiz, gascon maritime esaten diote; edo, tokiko hizkeran, parlar negre edo parlar negue (ahoskera: parˈla ˈnøɣrə, parˈla ˈnøɣə), hau da, «mintzaira beltza», ekialderago eta iparralderago mintzatzen den parlar clar («mintzaira argia») delako gaskoi aldaerari kontrajarria. Itsasaldeko gaskoia egiten den eremua, zehazki, ondorengo hau da: Marensin, Maremne, Seignanx, Peirahoradako barrutia, Landa Handia, Eyre ibaiaren ibarra eta Shalòssa eskualdearen zati bat.[2]
| Itsasaldeko gaskoi | |
|---|---|
| Parlar negue | |
| Datu orokorrak | |
| Hizkuntza sailkapena | |
| giza hizkuntza indoeuropar hizkuntzak hizkuntza italikoak hizkuntza erromantzeak mendebaldeko hizkuntza erromantzeak hizkuntza galo-iberiarrak hizkuntza galo-erromantzeak Hizkuntza okzitaniar-erromantzeak okzitaniera gaskoi | |
| Alfabetoa | latindar alfabetoa |
| Hizkuntza kodeak | |
| Glottolog | land1254 |
Parlar negre eta parlar clar azpidialektoen arteko ezberdintasun nagusia bokalen ahoskera da, lehenengoan gehiago biribiltzen dituztelako. Adibidez, gaskoi orokorreko /e/ bokala itsasaldeko gaskoian /ø/ bilakatzen dute, ahoskatzean.[3] Hala ere, idazterakoan bietan e (edo é) erabiltzen dute.[4]
Azpidialekto bien artean apenas dagoen desberdintasunik, eta bietako edozein hiztunek erraz-erraz uler dezake beste hizkera. Hau da, biek diasistema bat osatzen dute.
Erreferentziak
Ikus, gainera
Kanpo estekak
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
