Issosko gudua Alexandro Handiaren eta Dario III.a Kodomanoren armaden arteko gatazka armatua izan zen, K.a. 333ko azaroan gertatua, Issos hiriaren ondoan.
Issosko gudua | |||
---|---|---|---|
Alexandro Handiaren kanpainak | |||
Jan Brueghel Zaharraren Issosko gudua | |||
Data | K.a. 333ko azaroa | ||
Lekua | Issos, egungo Turkia | ||
Koordenatuak | 36°50′16″N 36°12′40″E | ||
Emaitza | Greziarren erabateko garaipena | ||
Gudulariak | |||
| |||
Buruzagiak | |||
| |||
Indarra | |||
| |||
Galerak | |||
|
Aurrekariak
Granikoko guduan bertoko satrapa menderatu ondoren, Asia Txikian, Mileto eta Halikarnason izan ezik, persiar erresistentzia desagertu zen. Anatoliako konkista finkatzeko urtebete eman ondoren, Alexandrok Siria konkistatzeko prestaketa hasi eta akemenestar itsas-armada geldiarazteko portuak erasotzeari ekin zion.
Alexandro Tarson -Zilizian- zegoela, Dariok Babilonian Issos hartzeko armada handia prestatzen ari zela jakin zuen. Dario Issostik Farnabazo III.ak Mediterraneon zuen itsas-gudarostearen laguntza har zezakeen. Hor zela eta, mazedoniarrak armadaren zati handiena Tarson utzi eta Parmenioni Issos inguruko kostaldea hartzea eskatu zion.
Azaroan, Alexandrok persiar armada jada Sirian zegoela jakin zuen eta Jonasen pasabidean, «Ziliziar Ateetan», bere armada biltzea erabaki zuen.
Dariok, Parmenionen gudarosteak jada pasabidean zeudela jakinda, iparraldeko bidea hartu eta persiarrek Issos konkistatu zuten. Greziarrek bere horniketa moztu eta Darioak hegoalderantz jotzea erabaki zuen. Pinaro ibaian zegoela Alexandro bere iparraldean zegoela jakin zuen eta gudurako prestatu zen kostaldetik gertu zegoen ordoki laburrean.
Gudua
Bere kokapena zela eta, Dariok ezin izan zuen bere infanteria ondo antolatu. Alexandrok erdialdetik eskuinaldeko hegalerantz zenbait hetairoien zalditeria-unitate bidali zituen. Honek zulo bat ireki zuen mazedoniar armadan baina Dariok ez zuen abantailaz baliatu.
Alexandrok, hala ere, zalditeria ezkerralderantz mugitu eta persiar lerroak hautsi zituen. Errege Handiak bere armada oraindik mugitzen ari zenean, mazedoniar falange eta infanteria astunak persiarren erdialdeko zutabea eraso zuten.
Erdialdean zegoen persiar armada atzera egin zuenean, eusten ari zen eskuinaldeko hegalak behea jo zuen eta Dariok gudu-zelaitik ihes egin zuen.
Ondorioak
Issosena garaipen erabakigarria izan zen greziarrentzat eta akemenestar boterearen amaiera iragarri zuen. Dario III.ak galdu zuen lehendabiziko gudua izan zen. Guduaren ostean, mazedoniarrek Estatira Darioren emaztea, Barsine-Estatira eta Dripetis bere alabak eta Sisigambis bere ama atxilotu zituzten. Alexandrok, gero Barsine-Estatira ezkonduko zuena, begirune handiz hartu zien.
Erreferentziak
Kanpo estekak
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.