FC Internazionale Milano, ezagunagoa Inter laburdurarekin, (izen osoa Football Club Internazionale Milano SpA) Milango futbol taldea da, Italiako Serie A ligan jokatzen duena. Italian Liga eta Kopa ugari irabazteaz gain hiru aldiz lortu ditu Europako eta Kontinente arteko Kopak, azkena 2010an. Liga sortu zenetik denboraldi guztiak lehen mailan egin dituen futbol talde bakarra da.
 | |||||||||||||||||||||||||||||||||
| Ezizena(k) | Nerazzurri ("urdin-beltzak") Il Biscione ("suge handia") | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Sorrera | 1908 | ||||||||||||||||||||||||||||||||
| Futbol zelaia | Stadio Giuseppe Meazza edukiera: 82.955 lagun inaugurazioa: 1926 | ||||||||||||||||||||||||||||||||
| Presidentea |  Steven Zhang | ||||||||||||||||||||||||||||||||
| Entrenatzailea |  Simone Inzaghi | ||||||||||||||||||||||||||||||||
| Liga | Serie A | ||||||||||||||||||||||||||||||||
| 2022-23 | 3.a | ||||||||||||||||||||||||||||||||
| Webgunea | Webgune ofiziala | ||||||||||||||||||||||||||||||||
| |||||||||||||||||||||||||||||||||
Etxeko partiduak Giuseppe Meazza estadioan jokatu ohi ditu.
Historia
.jpg)
Sorrera eta lehenengo urteak
1899an Milan Cricket and Football Club sortu zen Milanen, gerora AC Milan izango zena. Jokalariak milandarrak eta ingelesak zituen. Hiru liga irabazi ondoren jokalarien artean istiluak sortu ziren eta 1908an Ristorante Orologio jatetxean Milan taldetik ateratako 44 bazkidek talde berria sortu zuten. Atzerriko jokalarien aldeko bazkideak ziren, hortik Internazionale izena.
1910an irabazi zuten lehenengo Liga baina ez modu oso normalean. Txapelketa FC Pro Vercelli 1892-rekin berdinduta bukatu zuten eta ondorioz bien arteko partida batek erabakiko zuen nor izango zen txapelduna. Pro Vercelli aldi berean lehiaketa militar bat jokatzen ari zen eta partidua atzeratzeko eskatu zuen baina Ligak ez zuen onartu. Protesta gisa Vercellikoek 11 urteko haurren taldea aurkeztu zuten eta Inter nagusitu zen 10-3ko emaitzaz. Vercelli zigortua izan zen gainera. Hurrengo liga 1920an irabazi zuen.
Faxismoaren garaia
Internazionale hiriko aberatsen taldea zen eta Milan aldiz languileena. Faxismoaren garaian talde biek izena aldatzeko presioak jasan zituzten, ingelesekin zerikusia zuen guztia arriskutsua baitzen eta Interrek Società Sportiva Ambrosiana izena hartu zuen, hiriko patroiaren izena hain zuzen ere. Elastikoa ere aldatu zuen, hiriko armarriaren oroitarri kamiseta zuria gurutze gorri handi batekin hartu baitzuen irudi, eta gainean Fascio Littorio lema ezarri zuen.
Talde hartako izarra Giuseppe Meazza zen eta Italiako 3 Liga eta Kopa bat eskuratu zituen.
Grande Inter
Bigarren Mundu Gerra bukatzean betiko jantziak eta izena berreskuratu zituen. 1953 eta 1954ean liga berriak eskuratuta 1955ean Angelo Moratti k taldea erosi zuen 100 milioi liraren truke. Helenio Herrera entrenatzaile argentinarrarekin batera Luis Suárez fitxatu zuen eta italiar jokalari bikainekin zaleek Grande Inter izenarekin ezagutzen den garaia abiatu zen. Kapitaina Armando Picchi mitikoa zen. AC Milanekin batera 60. hamarkada milandarrena izan zen. 3 Liga berriz gain Europa mailako tituluak (2 Europako Kopa) eta Kontinente artekoak (2 Kopa) lortu zituen.
70eko eta 80ko hamarkada apalak
1968an Helenio Herrerak taldea utzi eta taldearen mailak behera egin zuen nabarmen. Hurrengo bi hamarkadetan 3 Liga (ia hamar urtean behin) eta 2 Kopa lortu zituen Italian eta Nazio arte mailan ezertxo ere ez.
90eko hamarkada
1989an lorturiko Liga garaipenean 3 alemaniar jokalari bikain zeuden, Lothar Matthäus, Andreas Brehme eta Jürgen Klinsmann. Giovanni Trapattoni zen entrenatzailea. Garaipen honek animatuta jokalari onak fitxatzeari ekin zion eta 3 UEFA Kopa eskuratu zituen, 1991, 1994 eta 1998an. Azken honetan Ronaldo eta Iván Zamorano aritu ziren. Italian ez zuen ordea beste Liga edo Koparik irabazi.
XXI. mendea
Hurrengo Liga, 2006koa, era bitxian irabazi zuen. Juventus FC zen irabazlea, AC Milan bigarrena eta Inter hirugarren postuan gelditu zen. Ustelkeria kasuen ondorioz Juventus kanporatu egin zuten eta AC Milani 30 puntu kendu zizkioten. Honekin Interrek Milan gainditu eta lehen postua eskuratu zuen. Hurrengo lau ligak erreskadan eskuratu zituen, Italian nagusi zela erakutsiz. José Mourinho zen entrenatzailea eta Zlatan Ibrahimović suediarra taldeko izarra.
2010ean bost titulu eskuratu zituen, Italiako Liga, Kopa eta Superkopa, Europako Kopa eta azkenik FIFAren Kluben arteko Munduko Kopa. Aipagarria da Nazioarteko final bietan jokatu zuten jokalari guztiak atzerritarrak zirela.
Hamar urte pasa behar izan ziren Inter Milanok liga berri bat eskuratzeko. 2020-21 denboraldian izan zen eta 12 puntutako aldea atera zion bigarrenari, hiri bereko AC Milani. 2022an Kopa irabazi zuen eta 2023an Txapeldunen Ligako finalerako sailkatu zen finalerdietan AC Milan kanporatuta. Finañean Manchester City nagusitu zitzaion 1-0 emaitzaz.
Uniformea
Sorreratik bertatik marra urdin eta beltzdun elastikoa erabili du. Hasieran galtza zuriak zituen baina 1924tik aurrera galtza beltzak erabili ditu. 1928an Società Sportiva Ambrosiana izatera behartu zutenean hiriko banderako gurutze gorria erabili zuen, baina urtebetez soilik.
Historikoa
|
|
|
|
|
||||||||||||||||||||||||||||||||||||||||||||||||||||||||||||||||||||||||||||
Azken urteak
|
|
|
|
| |||||||||||||||||||||||||||||||||||||||||||||||||||||||||||||||||||||||||||
|
|
|
|
| |||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||
2022/2023 Taldea
2022ko abuztuaren 10ean eguneratua.
|
|
Palmaresa
Italian: 35
- Italiako futbol liga (19): 1910, 1920, 1930, 1938, 1940, 1953, 1954, 1963, 1965, 1966, 1971, 1980, 1989, 2006, 2007, 2008, 2009, 2010, 2021
- Italiako futbol kopa (9): 1939, 1978, 1982, 2005, 2006, 2010, 2011, 2022, 2023
- Italiako superkopa (7): 1989, 2005, 2006, 2008, 2010, 2021, 2022
Nazioartean: 9
Kontinente arteko Futbol Kopa
- Txapelduna (2): 1964, 1965
FIFAren Kluben arteko Munduko Kopa
- Txapelduna (1): 2010
UEFAko Txapeldunen Liga
- Txapelduna (3): 1964, 1965, 2010
- Finalista (3): 1967, 1972, 2023
UEFA Kopa
- Txapelduna (3): 1991, 1994, 1998
Lagunartekoak
- International Champions Cup (1): 2017
Jokaturiko nazioarteko finalak
| Txapelketa | Urtea | Txapelduna | Emaitza | Finalista | Hiria |
|---|---|---|---|---|---|
| Kontinentearteko Kopa eta FIFAren Kublen artekoa | 1964 | Inter Milan | 0-1, 2-0, 1-0 |  CA Independiente | |
| 1965 | Inter Milan | 3-0 , 0-0 | CA Independiente | ||
| 2010 | Inter Milan | 3-0 |  TP Mazembe | ||
| Europako Kopa eta Txapeldunen Liga | 1963-64 | Inter Milan | 3-1 |  Real Madril | Viena |
| 1964-65 | Inter Milan | 1-0 |  SL Benfica | Milan | |
| 1966-67 |  Celtic FC | 2-1 | Inter Milan | Lisboa | |
| 1971-72 |  Ajax Amsterdam | 2-0 | Inter Milan | Rotterdam | |
| 2009-10 | Inter Milan | 2-0 |  FC Bayern Munich | Madril | |
| 2022-23 |  Manchester City | 1-0 | Inter Milan | Istanbul | |
| Europako Superkopa | 2010 | Atletico Madril | 2-0 | Inter Milan | |
| UEFA Kopa | 1990-91 | Inter Milan | 2-0, 1-0 | AS Roma | |
| 1993-94 | Inter Milan | 0-1, 1-0 |  Austria Salzburg | ||
| 1996-97 | FC Schalke 04 | 1-0, 1-0 | Inter Milan | ||
| 1997-98 | Inter Milan | 3-0 | SS Lazio |
Jokalariak
Giacinto Facchetti (1960-78).
Luis Suárez (1961-70).
Andreas Brehme (1988-92).- Lothar Matthäus (1988-92).
Ramón Díaz (1988-89).- Jürgen Klinsmann (1989-92).
- Javier Zanetti (1995-).
Ronaldo (1997-2002).- Fabio Cannavaro (2002-2004).
- Hernan Crespo (2002-03 eta 2006-2009)
Luís Figo (2005-2009)
Zlatan Ibrahimovic (2006-09)
Samuel Eto'o (2009-).
Entrenatzaileak
- Helenio Herrera (1960-68 eta 1973-74): Europako Kopa birritan eta Italiako Liga hiru aldiz irabazi zituen.
- Giovanni Trapattoni (1986-91): UEFAko Kopan behin eta Italiako Ligan beste behin txapelduna.
- Osvaldo Bagnoli (1992-94): UEFAko Kopan behin txapelduna.
- Luigi Simoni (1997-98): UEFAko Kopan behin txapelduna.
- Jose Mourinho (2008-10): Txapeldunen Ligan behin txapelduna, 2 Liga eta Kopa 1.
Euskal taldeen aurkako partidak
Hauek dira Europako txapelketa ofizialetan Internazionalek euskal taldeen aurka jokatu dituen partidak:
| Denboraldia | Txapelketa | Fasea | Etxekoa | Emaitza | Kanpokoa |
|---|---|---|---|---|---|
| 1979-80 | UEFA Kopa | Lehen itzulia | Internazionale Real Sociedad | 3-0 2-0 | Real Sociedad Internazionale |
| 2000-01 | UEFA Kopa | Final zortzirenak | Alaves Internazionale | 3-3 0-2 | Internazionale Alaves |
| 2023-24 | Txapeldunen Liga | Ligaxka fasea | Real Sociedad Internazionale | 1-1 0-0 | Internazionale Real Sociedad |
Ikus, gainera
Kanpo estekak
- (Italieraz)(Ingelesez) Interren webgunea
Datuak: Q631
Multimedia: FC Internazionale Milano / Q631
| 2022-23ko Serie A |  |
|---|---|
| Atalanta | Bologna | Cremonese | Empoli | Fiorentina | Hellas Verona | Inter Milan | Juventus | Lazio | Lecce Milan | Monza | Napoli | Roma | Salernitana | Sampdoria | Sassuolo | Spezia | Torino | Udinese |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
