Inazio (edo Inaxio) Uria Mendizabal (Azpeitia, Gipuzkoa, 1938ko urtarrilaren 4a – 2008ko abenduaren 3a) enpresaburua zen; bere bi anaiekin batera, Altuna y Uria eraikuntza enpresaren jabea. ETAk hil zuen, 2008ko abenduaren 3an.
| Inazio Uria | |
|---|---|
| Bizitza | |
| Jaiotzako izen-deiturak | Ignacio Uría Mendizábal, Inaxio Uria Mendizabal |
| Jaiotza | Azpeitia, 1938ko urtarrilaren 4a |
| Herrialdea |  Gipuzkoa, Euskal Herria |
| Heriotza | Azpeitia, 2008ko abenduaren 3a (70 urte) |
| Heriotza modua | giza hilketa |
| Hiltzailea | Euskadi Ta Askatasuna |
| Hezkuntza | |
| Hizkuntzak | gaztelania |
| Jarduerak | |
| Jarduerak | enpresaburua |
Inazio Uria igeltsero lanetan hasi zen, aita Alejandrorekin ikasi zuen lanbidean, alegia. Alejandroren eta Altuna sendiaren artean, eraikuntza enpresa txiki bat sortu zuten, eta, pixkanaka, arrakasta lortu zuen Gipuzkoan.
Altuna y Uría enpresak Euskal Autonomia Erkidegoko hiru probintzia hiriburuak lotuko zituen Euskal Y-aren trazaketaren zati bat egiteko kontzesioa lortu zuen, eta, hori zela-eta, 2007an, enpresak ETAren mehatxua eta sabotajea jasan zuen. Uria enpresa horretako goi kargua zen.
2008ko abenduaren 3an, ETAk erail zuen, Loiolako (Azpeitia) Kiruri jatetxeko aparkalekuan, buruan bi tiro eginda.[1] 2009ko martxoan, Ertzaintzak Beñat Aginagalderi egotzi zion Inazioren hilketa, bai eta PSOEko zinegotzi Isaías Carrascorena ere.[2]
Hilketaren ondoren tentsio une gogorrak bizi ziren Azpeitiako udaletxean. Ezker abertzaleak ez zuen Uriaren hilketa gaitzetsi. Horren ondorioz, EAk Azpeitian ezker abertzalearekin zuen udal akordioa hautsi zuen abenduaren 3an.
Hurrengo egunean, abenduaren 4an, Aralarrek berdina egin zuen. Aralarren esanetan, "bizitzarako eskubidea beste edozein gauzaren gainetik" zegoen.
Ondoren, oposizioko taldeek zentsura mozioa aurkeztu zuten ezker abertzalearen kontra, eta EAJk Azpeitiako alkatetza berreskuratu zuen, izan ere hauteskundetan alderdi bozkatuena izatetik zetorren.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
