IRALE

IRALE (irakasleak alfabetatu edota euskalduntzeko programa)^[1] Eusko Jaurlaritzaren Hezkuntza, Hizkuntza Politika eta Kultura Sailaren programa bat da. Programak bi helburu hauek ditu:

• Euskal Autonomia Erkidegoko unibertsitateaz kanpoko herri-ikastetxeetan eta ikastetxe pribatuetan lanean diharduten irakasleak eta Heziketa Bereziko langileak euskalduntzea eta alfabetatzea.
• EGA edo HE2tik gorako titulazioa duten irakasleen hizkuntza-prestakuntza sendotzea.

Horrez gain, IRALEk beste eginkizun hauek ditu:

• Irakasleek, ikastetxeek eta laguntza-zerbitzuek sortzen eta zabaltzen dituzten dokumentuen hizkuntza-kalitatea bermatzea (Kontsulta Zerbitzua).
• Hezkuntza administrazioko hainbat esparrutan eskolara zabaltzen diren dokumentuak nahiz ikasmaterialak zuzentzea, orraztea eta argitaratze-bidean jartzea (material didaktikoa).
• Hizkuntza-eskakizunen eta EGAren azterketa-lanean jardutea.

Ikastaroak

• Irakastordu barnekoak (liberazioa dute):
  • euskalduntze-ikastaroak, HE1, HE2 edo HLEA lortzekoak:
    • U ikastaroak, urte osokoak
    • 3000 eta 5000 ikastaroak, urte erdikoak
  • EGA edo HE2tik gorako ikastaroak (R ikastaroak), euskara-maila sendotzekoak:
    • R300: irakasgaitasuna eta hizkuntza-gaitasuna sendotzeko ikastaroa
    • R400: ikasmaterialak euskaraz prestatzeko ikastaro praktikoa
    • R500: ahozko komunikazioa lantzeko ikastaroa
    • R600: Curriculumaren euskal dimentsioa (euskal kulturaren inguruko ikastaroa)
    • R700: ikastetxeetan hizkuntza-gaitasuna garatzeko ikastaroa
• Irakastorduz kanpokoak (ez dute liberaziorik):
  • euskalduntze-ikastaroak, HE1, HE2 edo HLEA lortzekoak
  • H ikastaroak^{[Betiko hautsitako esteka]}, hainbat gai (zuzentasuna, mintzamena, hizkuntza-erregistroak...) lantzekoak

Irakastegiak

IRALE programak berezko bost irakastegi hauek ditu EAEn:

• Araban: Gasteiz
• Bizkaian: Dolaretxe eta Artazugoikoa (biak, Bilbon)
• Gipuzkoan: Donostia eta Eibar

• 
  Artazugoikoa (Bilbo)
• 
  Dolaretxe (Bilbo)
• 
  Larratxo, Altza (Donostia)

• 
  Eibar
• 
  Gasteiz

Erreferentziak

1. 1994ko urtarrilaren 28ko agindua, IRALE arautzen duena, Euskal Herriko Agintaritzaren Aldizkaria, 1994-02-11.

Ikus, gainera

• EIMA

Kanpo estekak

• IRALEren webgunea.
• Hezkuntzaren webguneko EUSKARA atala
• 1983ko abenduaren 26ko agindua, IRALE eratzen eta arauzkotzen duena, Euskal Herriko Agintaritzaren Aldizkaria, 1984-01-27.

• Datuak: Q12259327
• Multimedia: Irakastegia / Q12259327