From Wikipedia, the free encyclopedia
Humbaba (akaderaz: 𒄷𒌝𒁀𒁀, Ḫûmbaba[1], hautazko 𒀭 determinatzailearekin), jatorriz Ḫuwawa (sumerreraz: 𒄷𒉿𒉿, Ḫuwawa[1]) deitua, Mesopotamiako mitologiako pertsonaia izan zen. Erraldoi bat izan zen, "Bizidunen Lurraldeko" zedro-basoaren zaindari eta jauna. Hau jainkoak bizi ziren tokia zen, Utuk- Eguzkiak- gobernatua. "Heriotzaren ibaia" ere pertsonifikatzen zuen. Kea zerion, munstro lehoi aurpegiduna, herensuge-hortzak, orro egiten zuen uholdeko ura bezala, eta adats lodia eta oin handiak zituen.
| Humbaba | |
|---|---|
 | |
| Ezaugarriak | |
| Sexua | gizonezkoa |
Gilgamexen epopeian, Gilgamex, Enkidu eta besteek zedro bat moztu zutenean eraso, baina Gilgamexek harrapatu egin zuen, bere sudurrean uztai bat jarriz eta besoak lotuz. Gilgamexek askatu nahi du, baina Enkidu aurka dago eta Huwawa kexatu zenean, burua mozten diote. Enlil, Huwawa zedro-basoaren arduradun jarri zuen jainkoa, sutan jartzen da eta Humbabari emandako "zazpi aurak" birbanatzen ditu.
Baliteke Humbabaren irudia zuzenean Humban elamdar jainkoarengan inspiratuta egotea. Zaindaria den herrialdea nahiko ondo dator bat Elam lurraldearekin (ekialdean dago eta koniferoz zipriztinduta dago).[2] Pazuzu deabruarekin gertatu zen bezala, bere irudia kutun babesle moduan zabaldu zuten. Humbabaren aurpegiak Antzinako Greziako gorgonak inspiratu zituen.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
