Gregorio XV.a

Gregorio XV.a^[1] (latinez: Gregorius XV), jaiotzez Alessandro Ludovisi (Bolonia, 1554ko urtarrilaren 9a - Erroma, 1623ko uztailaren 8a), Eliza Katolikoko 234. aita santua izan zen, 1621 eta 1623 bitartean.

Gregorio XV.a
(XVII. mendea) Irudi gehiago
234. Aita santu 1621eko otsailaren 9a - 1623ko uztailaren 8a ← Paulo V.a - Urbano VIII.a → kardinal 1616ko irailaren 19a - Roman Catholic Archbishop of Bologna (en) 1612ko maiatzaren 1a - ← Scipione Borghese (en) - Ludovico Ludovisi → Elizbarrutia: Roman Catholic Archdiocese of Bologna (en)
Bizitza
Jaiotzako izen-deiturak	Alessandro Ludovisi
Jaiotza	Bolonia, 1554ko urtarrilaren 9a
Herrialdea	Aita Santuen Lurraldea
Heriotza	Erroma, 1623ko uztailaren 8a (69 urte)
Hobiratze lekua	San Ignazio Loiolakoaren eliza Tomb of Gregorius XV (en)
Familia
Aita	Conte Pompeo Ludovisi
Ama	Camilla Bianchini
Ezkontidea(k)	ezkongabea
Hezkuntza
Heziketa	Boloniako Unibertsitatea Gregoriotar Pontifize-Unibertsitatea
Jarduerak
Jarduerak	apaiz katoliko latindarra
Parte-hartzailea 1621eko konklabea
Lantokia(k)	Erroma eta Aita Santuen Lurraldea
Sinesmenak eta ideologia
Erlijioa	Erromatar Eliza Katolikoa

Jatorria eta prestakuntza

Alessandro Ludovisi Boloniako familia noble batean jaio zen. Humanitateak eta filosofia jesuitekin ikasi zituen, Erromako Collegio Romano-n, eta jurisprudentzia eta zuzenbidea Boloniako Unibertsitatean.

Eliz karrera

Doktoretza lortu ondoren, Gregorio XIII.ak Kapitolioko epaile izendatu zuen, eta Klemente VIII.ak Erromako Rota auzitegiko kide.

1612an, Paulo V.ak Boloniako artzapezpiku izendatu zuen, eta 1616an Aita Santuaren nuntzio gisa Savoiako dukerrira bidali zuen, Karlos Emanuel I.a Savoiakoa dukearen eta Filipe III.a Espainiakoa erregearen artean bitartekari lanak egin zitzan, hauek Monferrateko dukerriagatik zuten gatazkan. Urte horretan bertan, Boloniako Santa Maria Transportinako kardinal presbitero izendatua izan. Bere jaioterrian egon zen, 1621ean Erromara, Paulo V.aren ondorengoa aukeratzeko konklabean parte hartzera, itzuli zen arte^[2].

Aitasantualdia

1621eko otsailaren 9an aita santu aukeratua izan zen, Scipione Borghese kardinalaren eraginaren ondorioz. Aklamazioz aukeratua izan zen azken aita santutzat hartzen da.

1622an Propaganda Fide, misioen ardurarako kongregazioa, sortu zuen. Bavariako Maximiliano katolikoa jarri zuen Palatinatuko hautesle, eta 1623an Richelieu kardinal izendatu zuen^[3].

Erreferentziak

1. Euskaltzaindia. 129. araua: Aita santuen izenak. .
2. Ott, Michael T.. Papa Gregorio XV. in: Enciclopedia Católica Online. ec.aciprensa.com (Noiz kontsultatua: 2015-10-27).
3. Lur entziklopedietatik hartua.

Wikimedia Commonsen badira fitxategi gehiago, gai hau dutenak: Gregorio XV.a

Aurrekoa Paulo V.a

Aita Santua 1621-1623

Ondorengoa Urbano VIII.a

• Datuak: Q132692
• Multimedia: Gregorius XV / Q132692