Frances Spence

Frances Bilas Spence (1922ko martxoaren 2a - 2012^[1]ko uztailaren 18a) ENIAC konputagailuaren jatorrizko programatzaile bat izan zen.

Frances Spence
Irudi gehiago
Bizitza
Jaiotza	Filadelfia, 1922ko martxoaren 2a
Herrialdea	Ameriketako Estatu Batuak
Heriotza	2012ko uztailaren 18a (90 urte)
Hezkuntza
Heziketa	Chestnut Hill College (en)
Jarduerak
Jarduerak	matematikaria, ingeniaria, programatzailea, informatikaria eta fisikaria
Enplegatzailea(k)	Moore School of Electrical Engineering (en)
Jasotako sariak	ikusi Women in Technology Hall of Fame  (1997)

Filadelfian jaio zen 1922ean eta bost haizpetatik^[2] bigarrena izan zen. Bere aita Filadelfiako ikastetxe publikoetako sistema-ingeniaria zen eta bere ama irakaslea,^[3] biak irakaskuntza sektorean. Francesek Homer W. Spence bere senarrarekin hiru seme izan zituen: Joseph, Richard eta William.

Ikasketak

Temple Unibertsitatean ikasi zuen, non Chestnut Hill College-rako beka bat irabazi zuen. 1942 Matematiketan graduatu zen Fisika orientazioarekin. Ikasten zegoen bitartean Kathleen McNulty ezagutu zuen, ENIAC programatu zuten 6 emakumeetako bat. McNulty eta Spence Moore School of Engineering-ko langileak izan ziren Ibilbide balistiko kalkuluetan lan egiteko. Biak lehenengo ENIAC programatzaileen lehen taldea osatzeko hautatuak izan ziren, honelako kalkuluak egiteko diseinatutako makina. Taldea Jean Jennings Bartik, Betty Snyder Holberton, Ruth Lichterman Teitelbaum, Kathleen McNulty Mauchly Antonelli eta Marlyn Wescoff Meltzer-ek osatzen zuten.

1947an, ENIAC makina aurkeztu eta urte bat geroago, Bilas Homer Spence-rekin ezkondu zen, Aberdeen Proving Grounds-etik zetorren armadako ingeniero elektronikoa zen, geroago ENIAC proiektuan ere lanean hasi zena. Ezkondu eta denbora gutxira Bilas bere lana utzi zuen familia bat osatzeko.

Lorpenak

1997an, Frances Women in Technology International Hall of Fame-n^[4] sartu zen, bere ENIACeko beste sei ikaskideekin batera.Bere lanak etorkizuneko ordenagailu elektronikoetarako bidea ireki zuen, eta bere berrikuntzak martxan jarri zuen konputazio elektronikoaren eta konputagailuen programazioaren gorakada Bigarren Mundu Gerraren ondorengo aroan.^[5]

ENIAC taldea, 2013ko The Computers dokumental sarituaren inspirazioa da. Kathy Kleimanek sortutako dokumentala eta ENIAC programatzaileen proiektua, 1940ko hamarkadako ENIAC taldearen benetako irudiak uztartzen ditu, emakumezkoen taldeko kideekin egindako elkarrizketekin. Elkarrekin^[6] lanean emandako denbora islatzen dutelako,Hiru zatiko telesail bateko lehen dokumentala da, The Coders eta The Future-Maker dira hurrengoak.^[7]