Eugene O'Neill

Eugene Gladstone O'Neill (New York, Ameriketako Estatu Batuak, 1888ko urriaren 16a - Boston, Ameriketako Estatu Batuak, 1953ko azaroaren 27a) ingelesezko antzerkigilea izan zen.

Eugene O'Neill
Irudi gehiago
Bizitza
Jaiotza	New York, 1888ko urriaren 16a
Herrialdea	Ameriketako Estatu Batuak
Heriotza	Boston, 1953ko azaroaren 27a (65 urte)
Hobiratze lekua	Forest Hills Cemetery (en)
Heriotza modua	berezko heriotza: pneumonia
Familia
Aita	James O'Neill
Ama	Ella O'Neill
Ezkontidea(k)	Agnes Boulton (en) Carlotta Monterey
Seme-alabak	ikusi Oona O'Neill Eugene O'Neill, Jr. (en)
Hezkuntza
Heziketa	Princetongo Unibertsitatea
Hizkuntzak	ingelesa
Jarduerak
Jarduerak	antzerkigilea, gidoilaria eta idazlea
Lan nabarmenak	ikusi All God's Chillun Got Wings (en) Mourning Becomes Electra (en)
Jasotako sariak	ikusi Literaturako Nobel Saria  (1936) Laurence Olivier Award Pulitzer Saria Antzerkian  (1957) : Long Day's Journey into Night (en) Pulitzer Saria Antzerkian  (1928) : Strange Interlude (en) Pulitzer Saria Antzerkian  (1922) : Anna Christie (en) Pulitzer Saria Antzerkian  (1920) : Beyond the Horizon (en) star on Playwrights' Sidewalk
Influentziak	Anton Txekhov
Kidetza	Ameriketako Estatu Batuetako Arte eta Letren Akademia
eoneill.com

Bizitza

Gurasoak aktoreak izan zituen. Ikasketak bukatu ondoren, batetik bestera ibili zen itsasgizon, kazetari, aktore eta urre-bilatzaile gisa. Erietxe batean egon zen, aldi batez, eta han hasi zen idazten. Hasieran idatzi zituen antzerki-lanak joera naturalistakoak ziren, eta Provinceton Players antzerki-talde berritzaileak eraman zituen jendaurrera. Gerora, sinbolismo handiko lanak idatzi zituen; azken garaian idatzi zituen lanek, berriz, biografia-kutsua dute. Garai hartako antzerkian nagusi zen errealismoa gaitzetsi zuen, materialismoa eta bidegabekeria salatu zituen, eta gogor kritikatu zuen mundu modernoa.

Ibsenen eta Strindbergen eragina izan zuen; espresionisten baliabideak erabili zituen maiz (mozorroak, barne-bakarrizketak), eta mito klasikoak egokitu zituen, psikoanalisian oinarriturik. Hiru aldiz irabazi zuen Pulitzer Saria, eta 1936an Nobel Saria eman zioten.

Antzerki-lan nagusiak: Emperor Jones (1921, Jones enperadorea), The Hairy Ape (1922, Tximu iletsua), Desire Under the Elms (1924, Desira zumarren azpian), The Fountain (1925, Iturria), The Great God Brown (1926, Brown jainko handia), Strange Interlude (1928, Interludio bitxia), Mourning Becomes Electra (1931, Elektrari ondo doakio doluzko arropa), Days Without End (1934, Amaierarik gabeko egunak), A Long Day´s Journey Into Night (1940, Egun luze bateko bidaldia gauerantz).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q93157
• Multimedia: Eugene O'Neill / Q93157