Errekalde (Bilbo)

Errekalde Bilboko 7. barrutia da. Iparraldean Basurtu-Zorrotzako barrutiarekin, mendebaldean Alonsotegiko udalerriarekin, ekialdean Abandoko barrutiarekin eta hegoaldean Ibaiondoko barrutiarekin egiten du muga. Barrutiak guztira 696,29 hektareako azalera dauka, eta 47.583 biztanle (2005).

Artikulu hau Bilboko barrutiari buruzkoa da; beste esanahietarako, ikus «Errekalde».

Errekalde (7)
Ametzolako kale berria.
Herrialdea Probintzia Udalerria	Euskal Herria  Bizkaia Bilbo
Auzoak	Ametzola, Iralabarri, Errekaldeberri, Uretamendi eta Iturrigorri
Azalera	69,629 km²
Biztanleria	45.583 (2006)
Bilbo erdigunea Errekalde (7) Errekalde (7) Errekalde (7)
Koordenatuak:	43.25194°N 2.94611°W / 43.25194; -2.94611

Bost auzotan banatzen da, Ametzola, Iralabarri, Errekaldeberri, Uretamendi eta Iturrigorri. Bilboko langileri eta Espainiatik lan bila etorritako hainbat pertsonaren jomuga izan zen Errekalde XX. mendean. Barrutia Pagasarri mendiaren lehen maldetan zehar hedatzen da, zenbat eta mendebalderago, orduan eta garaiera gehiago dagoela.

Barrutia A-8 Autobideak bitan banatzen du, Errekaldeberri auzoaren parean. Autobidea auzoa eraiki eta gero eraiki zen eta betidanik izan da arazo handia auzoaren eguneroko bizitzan.

Barrutiaren eraberritzea

Azken urteetako obra handiek barrutia eraberritu dute. Batetik, Renfek Trenbidearen etorbidean zeuzkan trenbideak lurperatu dira, eta haien tokian etorbide berria eraiki da.

Bestetik, Ametzola auzoan, parke berri bat eta ehunka etxebizitza berri eraiki dira. Oraindik amaitzeke dagoen prozesuan. Errekaldeberritik Basurturako tartean FEVE konpainiaren trenbideak lurperatzeko lanak 2006. urtearen hasieran hasi ziren. Eta horrez gain, laster Iralabarri auzoko trenbidea ere lurperatzeko proiektua dago.

Biztanleria (1987-2005)
Errolda urtea	Biztanleria
1987	51.643
1988	51.721
1989	51.499
1990	51.176
1991	48.819
1992	48.895
1993	48.935
1994	48.617
1995	48.414
1996	46.398
1997	46.234
1998	46.214
1999	45.846
2000	45.616
2001	45.690
2002	46.188
2003	46.511
2004	47.297
2005	47.583

Demografia

2016an 47.245 pertsona erroldatuta zeuden, modu honetan banatuta:

• Errekaldeberri - 16.221 p.
• Ametzola - 12.200 p.
• Iralabarri - 11.534 p.
• Larraskitu - 2.766 p.
• Uretamendi - 2.561 p.
• Betolaza (ofizialki: Betolatza) - 300 p.
• Iturrigorri-Peñascal - 1.963 p.

Kanpo estekak

• Zazpigarren barrutia udal webgunean.

• Datuak: Q2620662
• Multimedia: Errekalde / Q2620662

Euskarazko Wikipedian bada atari bat, gai hau duena: Bilbo