From Wikipedia, the free encyclopedia
Mexikok Ekuadorren duen enbaxadaren aurkako erasoa 2024ko apirilaren 5ean gertatu zen, Ekuadorko indar polizial eta militarrak Quitoko enbaxada mexikarrean bortizki sartu zirenean.
| Erasoa Mexikoko enbaxada Ekuadorren | ||
|---|---|---|
| ||
 | ||
| Mota | search and seizure (en)  atxiloketa international incident (en) | |
| Honen parte da | Ecuador–Mexico relations (en) | |
| Data | 2024ko apirilaren 5a | |
| Kokaleku | embassy of Mexico in Ecuador (en) Quito | |
| Herrialdea | Ekuador eta Mexiko | |
| Parte-hartzaileak | ||
| Atxilotu kopurua | 1 | |
| Komunikabide | ||
Ekuadorko poliziez zein militarrez osatutako eta antolatutako talde kriminalen aurka ekiteko Segurtasun Blokeak operazio berezia gauzatu zuen Mexikok herrialdean zuen enbaxadan. Poliziak Mexikok Quiton duen eraikinera sartu ziren, indarrez, goizaldean —han oraindik gaueko ordu txikiak zirela— , eta Ekuadorko presidenteorde ohi Jorge Glas (2013-2018) atxilotu dute. Mexikok Glasi babes politikoa eman zion eta enbaxadan zegoen gotorturik. Presidenteorde ohiaren espetxeratzeak ez zituen soilik hautsak harrotu Glasen iraganagatik edota Mexikok hartutako erabaki baten aurka ekin zuelako Ekuadorrek; baizik eta, Vienako Hitzarmena urratu zutelako.[1]
Glasen atxiloketak garrantzia berezia zuen Ekuadorko Gobernuarentzako. Gabriel Noboa presidentea ustelkeriaren aurkako politikak hitzemanez aurkeztu zen hauteskundeetara; hark iritzi zionez, Ekuadorko aurreko gobernuak «ustelkeriaz lepo» zeuden. Glas ere ustelkeria sistema horren barruan dagoela dio egungo gobernuak. Diru publikoa bidegabe erabili izana leporatzen diote Glasi "Berreraikitze" izeneko kasuan. Bertan, 2016an Ekuadorko Manabi probintzia txikitu zuen lurrikararen osteko lanetan ustelkeria kasuak egon zirela ondorioztatu zen.[1]
Ekuadorrek Mexikoren jarrera arbuiatu zuen, eta adierazi ezein gaizkile ezin dela hartu «politika arrazoiengatik pertsegitua izandakotzat». Are gehiago, Ekuadorko presidentetzak Segurtasun Blokearen ekintza defendatu zuen Glas, «kondenaturik» baitzegoen eta haren aurkako «atzemate agindua» indarrean baitzegoen.[1]
Enbaxadara sartzeko arrazoiak arrazoi, Mexikok ez zituen Quitoren azalpenak onartu eta «edozein harreman diplomatiko lehenbailehen» moztea erabaki zuen herrialdeko presidente Andrés Manuel López Obradorrek.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
