Dominika Rekalt

Dominika Rekalt^[1] (Altzabeheti, Zuberoa 1959 - ) idazle eta kazetari zuberotarra da. Ttittika izenez ere ezaguna da.

Dominika Rekalt
(2015)
Bizitza
Jaiotza	Altzai-Altzabeheti-Zunharreta, 1959 (65/66 urte)
Herrialdea	Zuberoa, Euskal Herria
Hezkuntza
Hizkuntzak	euskara frantsesa
Jarduerak
Jarduerak	aktorea, idazlea eta irrati-esataria

Biografia

Altzabehetikoa, Jean-Pierra Rekalt pastoral errejentaren anaia da.

Lanbidez irrati esataria da Xiberoko Botzan eta hor ahoz ere duen hizkuntza-aberastasuna erakusten du.

Antzezle lanetan ere ikusi ahal izan dugu^[2], Isiltasunarekin solasean eta beste obra batzuetan Tokia antzerki-taldeko kide gisa. Zinemarako, Gartxot film laburra^[3] eta Xora film luzea egin ditu^[4].

Lanak

Herri-antzerkian kokatzen diren bi lanen egilea da momentuz:

• Oiherkoren trajeria pastoralarekiko berritzailea den eta esperimentaltzat^[5] jo zen lana, 2006an Ahüzkin taularatua eta beranduago Izarran (Araba) ere emana. Hebentik elkarteak antolatu zuen.
• Belagileak^[6] edo Bel(h)agileen trajeria pastorala, 2009an Basabürüako Aloze-Ziboze-Onizegaineko herritarrek emana. Pierre de Lancre inkisidorea eta "sorginen" ehizari buruzkoa da, 1609ko epaiketa soantuaren mendeurrena dela medio. Beraz, Lapurdi protagonista da pastoral honetan. Honetan ere elementu berritzaileak sartu zituen^[7].
• Etxebarre 007 ikuskizuna izen bereko herrian 2007n eman zenaren testua ere Rekalti zor zaio^[8]. Besteak beste Joseba Sarrionandia idazleak eta Gonzalo Etxebarria artistak kolaboratu zuten.

Davantek bere erreferentziazko antologian lehen bi lanetako zati batzuk jaso zituen.

Iturriak

• Davant, Jean-Louis. (2008). Zuberoako literaturaz. Antologia laburra. Bilbo: Euskaltzaindia.

Titika Rekalt, Jean Mixel Bedaxagar eta Juan Mari Beltran

Erreferentziak

1. Davantek Recalt idatzita, euskaraz gehiago ageri da Rekalt idatzita, gehienbat Ttittika Rekalt eta gutxiagotan Titika.
2. Berria artezblain.comen.
3. Internet Movie Database
4. Alustiza, Maite. (2011-07-12). «Astelehenean hasiko dituzte 'Xora' zubererazko lehen film luzearen grabaketak» Berria.^{[Betiko hautsitako esteka]}
5. Ikuskizun honen ezaugarriak EKEren webgunean.
6. "Belagile" "sorgin" hitzaren sinonimoa da.
7. Berrikuntzak Joseba Aurkenerenak kontatua.
8. Ikuskizun honen albistea^{[Betiko hautsitako esteka]} Berrian Allande Sokarros etxebartarrak kontatua.

Ikus, gainera

• Xiberoko Botza
• Etxebarre

Kanpo estekak

• Iturrietan aipatutako lehen liburua pdf.n.
• Elkarrizketa^{[Betiko hautsitako esteka]} Kazeta.infon.
• Tokia antzerki-taldea^{[Betiko hautsitako esteka]} EKEren webgunean.
• Zenbait ipuin Rekaltek kontatua Ikasen eskutik.
• Elkarrizketa Argia astekarian (2013)
• Joseba Aurkenerena: Belagileak, Ttittika Rekalten bigarren pastorala - 1
• Joseba Aurkenerena: Belagileak, Ttittika Rekalten biagarren pastorala - 2

• Datuak: Q12256327