Dinah Veeris
From Wikipedia, the free encyclopedia
Lidwina Marciana Veeris, Dinah Veeris izenez ezagunagoa, (Willemstad, 1939ko apirilaren 20a – 2024ko irailaren 4a[1]) curaçaotar sendalaria izan zen, 1991n Dinah’s Botanic and Historic Garden Den Paradera izeneko lorategia sortu zuena.
| Dinah Veeris | |
|---|---|
| Bizitza | |
| Jaiotza | Otrobanda (en) , 1939ko apirilaren 20a |
| Herrialdea | Herbehereetako Erresuma |
| Heriotza | 2024ko irailaren 4a (85 urte) |
| Hezkuntza | |
| Heziketa | California School of Herbal Studies (en) |
| Jarduerak | |
| Jarduerak | Q75029249 eta belar-biltzailea |
| Jasotako sariak | ikusi
|
| dinahveeris.com | |
Bizitza
Willemstadeko Otrobanda auzoan jaio zen 1939an, eta gaztetan amaren lorategian denbora asko eman zuen. Irakasle izateko asmoa zuenez, Herbehereetan titulua jaso zuen, Sint Maartenera joan zen lanera eta geroago Herbehereetara itzuli zen. Irakaskuntzaz gain, belar eta landareen propietate sendagarriak aztertu zituen. 1986an, Kaliforniako Belar Medikuntza Eskolan ikasi zuen. Gainera, gaikako mintegi eta hitzaldietan parte hartu zuen Kuban, Indonesian, Herbehereetan eta Venezuelan, besteak beste[2].
Curaçaora itzuli zenean, adineko jendeari elkarrizketak egiten hasi zen belarrei buruzko antzinako jakituria ikasteko. Ondorioz, belarrei buruzko liburu bat kaleratu zuen 1987an. Horren ostean, hitzaldiak emateko maiz eskatzen zioten. 1990ean, eskola-aholkularitza zerbitzuetatik erretiroa hartu zuen, non hezkuntza-arduradun gisa lan egin zuen. Handik gutxira, Dinah’s Botanic and Historic Garden Den Paradera lorategia sortu zuen sendabelarren inguruko ezagutza galtzea ekiditeko asmoz[3]. Hitzaldiak eta mintegiak antolatu zituen eta belarrak erabiltzeko aholkuak eman zituen.
Dinah Veerisen laguntzari esker, 2017az geroztik CBD olioa legez eskuragarri dago Curaçaon[4].
COVID-19 pandemian, Dinah Veeris txertoa jaso zuen lehen curaçaotarretako bat izan zen, eragin handiko pertsonatzat hartzen baitzioten. Agintariak kezkatuta zeuden curaçaotarren % 42k ez zuelako txertoa jaso nahi[5].
2024ko irailaren 4an hil zen, 85 urte zituela[1].
Lanak
- Remedi i kustumber di nos bieuwnan (1987)
- Green Remedies and Golden Customs of Our Ancestors: The Introduction of more than a hundred herbal plants from the islands of Aruba, Bonaire and Curaçao (1999)
- Afrikaantje en 99 andere kruiden (2006)
- Van amandel tot Zjozjoli (2010)
Sariak
- 2000: Tula saria (Afrikako kultura babestu eta sustatzeagatik)
- 2000: Cola Debrot saria (Curaçaoko kulturari egindako ekarpenagatik)
- 2004: Exa saria (turismoan zuen ekarpen eta ikuspegi bereziagatik)
- 2022: Merituaren Gurutzea[6]
Erreferentziak
Kanpo estekak
Wikiwand - on
Seamless Wikipedia browsing. On steroids.