Diario de Burgos
From Wikipedia, the free encyclopedia
From Wikipedia, the free encyclopedia
Diario de Burgos egunkari espainiarra da. Ordainpekoa eta egunerokoa da. Gaztela eta Leongo (Espainia) Burgosko probintziari dagokio haren hedapen-eremua. Burgosen du egoitza eta Promecal (Promotora de Medios de Castilla y León) da egunkariaren editorea.
1891ko apirilaren 1ean, asteazkena, 1.go alea kaleratu zen Burgos hirian. Egunkariaren sustatzaile eta sortzaileak Juan Albarellos Berroeta[1] idazle, kazetari eta abokatu burgostarra eta Juan García Rubio[2] Burgosko Auzitegiko Salako idazkaria izan ziren. Egunkariko lehen zenbakiak pezetaren bost zentimo balio zuen.
Gaur egun egunkariaren zuzendaria Álvaro Melcón[3] da.
2015ean, Burgosko Udaleko Gobernu Batzordeak erabaki zuen plaza bati "El Diario de Burgos" egunkariaren izena ematea. Laserna pasealekuaren eta Guadalhorceko kondearen etorbidearen elkargunean kokatutako biribilgune bat da.
Egunkaria espainiarra eta jeneralista da. Aztertzen diren gaiak, gehienbat, orokorrak dira; hau da, Burgosko probintzian edo Gaztela eta Leongo Autonomia Erkidegoan sortzen den edozein gai mota. Horretaz gain, estatu edo nazioarte mailako albisteetan gehiago zentratzen diren atalak ere baditu. Web edizioan[4] egunkariko edukiak hainbat ataletan bana daitezke:
Atal honetan Burgosekin oro har edo hiriburuarekin zerikusia duten gaiak jorratzen dira.
Atal honetan Burgosko probintziarekin zerikusia duten gaiak jorratzen dira.
Atal honetan Burgos kokatuta dagoen eskualdearekin zerikusia duten gaiak jorratzen dira, hau da, Gaztela eta Leoni buruzkoak.
Atal honetan gai nazionalak jorratzen dira, Espainia osokoak.
Atal honetan mundu osoko gaiak jorratzen dira.
Atal honetan kirolak jorratzen dira. Burgos probintziaren barruan egiten diren kirolen inguruan hitz egiten da, baina, atal honetan, gainerako kirol nazionalari edo nazioartekoari ere ematen zaio garrantzia.
Egunkariko atal hau iritzikoa da. Bertan, hainbat pertsonak hainbat gairi buruz duten iritzia ematen dute. "Eguneko iritziak" daude, eta, gainera, gertuko iritziak eta kolaboratzaileen iritziak.
Galerietan multimedia eduki desberdinak gordetzen dira. Argazkiak, bideoak, eta abar.
Diario de Burgos sortu zenetik gaur egun arte, zuzendari hauek izan ditu.
Egunkarian, Burgosko probintzia osoan zehar banatutako hainbat delegazio eta edizio daude.[6] Briviescako delegazioa, Merindadeen delegazioa, Erriberako edizioa (Aranda de Dueron dagoena) eta Miranda Ebroko edizioak.
Gainera, Miranda Ebron beste egunkari bat dago, "El Diario de Burgos" -ek kudeatua. Diario de Miranda du izena.
2000. urteaz geroztik PROMECAL (Promotora de Medios de Castilla y León) enpresa-taldearen jabetzakoa da. Méndez familiak dauka horren jabetza. Talde honek beste egunkari batzuk ere baditu:[7] La Tribuna De Albacete, Diario de Ávila, La Tribuna de Ciudad Real, Diario Palentino, La Tribuna de Puertollano, El Adelantado de Segovia, La Tribuna de Talavera, La Tribuna de Toledo, El Día de Valladolid. Baita hainbat telebista-kanal eta irrati-kate eta tokiko komunikazioko eta multimedia-zerbitzuetako zenbait enpresa ere.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.