Burmuin-lobulu

Burmuin-lobuluak burmuin-azaleko zatiak dira, burmuina bere eginkizunaren arabera azpibanatzen dutenak. Jarraian garuneko lobulurik garrantzitsuenak aipatzen dira:

• Lobulu frontala: aurrealdeko zatian dago, Rolandoren artekaren aurrean. Honek higitzeko ahalmena ematen du (kortex motorra), arrazoitzekoa eta arazoak konpontzekoa, baita hizkuntzaren zati bat eta emozioak ere.

• Lobulu parietala: Rolandoren artekaren atzetik eta Silvioren artekaren aurretik dago; atzetik irudizko kanpoko arteka zutarekin muga egiten du. Kanpoko pertzepzio sentsorialez arduratzen da (eskuak, oinak, etab...): sentikortasuna, ukimena, pertzepzioa, presioa, tenperatura eta mina.

• Lobulu okzipitala: burmuinaren atzealdeko zatian dagoen lobulua da, animali askotan ondo zehaztutako mugak dituena, baina gizakian bere nortasun anatomikoa galdu duena. Irudiak sortzeaz arduratzen da.

• Lobulu tenporala: burmuinaren zati bat da. Lobulu okzipitalaren aurrean dago, Silvioren artekaren atzealdean eta behealdean, gutxi gorabehera loki bakoitzaren atzean. Egiteko garrantzitsua du ikus-ekintza konplexuetan, aurpegiak ezagutzea adibidez. Entzumena, oreka eta koordinazioaz arduratzen da. Burmuineko "usaimenaren gune primarioa" da. Entzumenetik datorren informazioa jaso eta prozesatu ere egiten du, eta orekari eusten laguntzen du eta herstura, gozamena eta haserrea bezalako emozio eta motibazioak erregulatzen ditu.

Burmuin-lobulu
Irudi gehiago
Xehetasunak
Honen parte	burmuina
Identifikadoreak
Latinez	lobi cerebri
TA	A14.1.09.005
FMA	77800
Terminologia anatomikoa

Kanpo estekak

• Datuak: Q2724242
• Multimedia: Brain lobes / Q2724242

Artikulu hau anatomiari buruzko zirriborroa da. Wikipedia lagun dezakezu edukia osatuz.