bretainiar txirrindularia From Wikipedia, the free encyclopedia
Audrey Cordon edo Audrey Cordon-Ragot (Pontivy, Bretainia, Frantzia, 1989ko irailaren 22a) bretainiar txirrindularia da. 2012ko Londresko Udako Olinpiar Jokoetan aritu zen.[1]
2022an Munduko txapelketa aurreko probetan garuneko isuria (istripu zerebrobaskularra) izan zuela jakinarazi zioten, gainditu eta lasterrera txapelketetara itzuli zen.[2]
2008an Vienne Futuroscope taldearekin hasi zen lanean, eta, gero, Zaaf Cycling Team-ekin.
Frantziako Erlojupeko Txirrindularitza Txapelketako podiumean sartu zen 2011 eta 2012 urteetan, eta 2012ko Loireko Grand Prix Cholet-Pays saria irabazi zuen. Ondoren, Txirrindularitzako 2012ko Londresko Udako Olinpiar Jokoetan parte hartu zuen.[1] Udako Joko horietan erlojupekoan parte hartu zuten, 15. postua lortuta; errepideko proban, ostera, deskalifikatua izan zen, kontroletik kanpo geratu baitzen.[3][4][5]
2022ko irailean Audrey Cordonek garuneko isuri bat (istripu zerebrobaskularra) izan zuen. Frantziako txirrindularitza-selekzioak jakinarazi zuen Audrey Cordon Ragotek (CRI probako faboritoetako bat) ez zuela parte hartuko Australiako txirrindularitzako munduko txapelketetan, arrazoi medikoengatik, eta txirrindulariak berak berretsi zuen.[6][7]
"Denek ez dute hainbesteko zortea. Jende gehiena iluntasunean geratzen da, inor ez da haietaz arduratzen, eta milaka hil egiten dira. Izugarria iruditzen zait", esan zuen Frantziako txirrindulariak duela gutxi egindako elkarrizketa batean. Hainbat sintoma izan ondoren, Frantziako Federazioak eskatuta, Munduko Txapelketen aurretik probak egin zituen eta garuneko isuri bat izan zuela jakin zuen.[2]
Urte bereko urrian, udan izandako garuneko isuria gaindituta, Frantziako txapeldun bikoitza hurrengo denboraldian B&B Hotels-KTM taldeko kide izateko prest agertu zen.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
