Arte figuratibo

Arte figuratiboa, figuratibismoa edo errepresentazio artea arte abstraktuaren aurka errealitatearen errepresentazioan oinarritzen den artea da. Irudiak identifikatu egiten dira arazorik gabe. Batzutan benekotasuna bilatzen du, erabateko errealismoa, adibidez hiperrealismoan; bestetan modu batez aldatzen ditu, esaterako, jatorrizko irudia idealizatuz edo, karikaturetan bezala, elementu batzuk handituz.^[1]. Bigarren joera horretan tendentzia desberdinak egon daitezke: sinbolismo, eskematismo, kolosalismo, hieratismo, espresionismo...

Arte figuratiboa errealitatearen errepresentazio zuzena izan daiteke (Un Moulage sur Nature, Edouard Dantan, 1887).

Arte figuratiboan oso ohikoa da modeloak erabiltzea, bai hasierako zehestasunak hartzeko baita ere lan osoa errealitatearen errepresentazio zuzena izateko.

Figuratibismoaren barruan paisaia oso garrantzitsua da. Paisaiak margolariari aukera ematen dio pertsonen eta inguruko elementuen arteko loturak sortzeko.

Galeria

• 
  Monet baso baten ertzean margotzen (1885, John Singer Sargent).
• 
  Coin d'atelier, Éduard Joseph Dantan (1880 inguruan).
• 
  Charles Darwinen karikatura, John Tenniel (1870). Karikatura ere figuratibismoaren barruan kokatzen da.
• 
  Manuel Teixeira da Rocha (1863-1941) Akademiako modeloa. Batzutan errealitatearen alde itsusiak bilatzen ditu figuratibismoak.
• 
  Romy Schneider Marcel Mayer eskultorearentzat paratzen.

Erreferentziak

1. Ian Chilvers eta batzuk: Diccionario de Arte, Alianza, 1992, 260.or.

Ikus, gainera

• Arte abstraktu

Kanpo estekak

• Datuak: Q1622217
• Multimedia: Figurative art / Q1622217