ArraldeGoenkalen agertzen zen euskal fikziozko herria da, telesaileko paisaia eta kokalekua dena.
Arraldeko kanpo platoa, MiramonenEiTBk duen egoitzan.Arraldeko fikziozko armarria.
Arraldeko kale nagusia da Goenkale, eta bertan topa ditzakegu hainbat agerleku. 22 denboraldietan hainbat dekoratu agertu dira: udaletxea, Sobia taberna, Muñagorri hotela, Madariaga ontziola, eta hainbat pertsonaiaren bizileku eta lantokiak. Guztietan aipagarriena 'Boga' taberna da; lehenengo denboralditik azkeneraino. Arraldeko tokirik mitikoena izan bada ere 19. denboraldian ikusi dugu lehenengoz bertako sukaldea. Hauek dira egon diren dekoratuetako batzuk:
Boga taberna, bere sukaldea eta logelak (1-22. denboraldiak)
Goenkale kalea. (1-22. denboraldiak)
Atxuri taberna. (12-22. denboraldiak)
Bar Sobia (1-11. denboraldiak)
Komisaldegia. (5-22. denboraldiak)
Alizia eta Kandidoren pisuak. (15-22. denboraldiak)
Arraldeko plaza nagusia eta portua (Orio) (3-13, 16. denboraldiak)
Arraldeko plaza nagusia eta ibaiertzeko pasealekua (Tolosa) (13-20. denboraldiak)
Orio: Bertako plaza nagusia eta portua izan dira Arralde herriaren erdigune nagusi gisa, kanpoko eszenen ardatz nagusi gisa (3-13, 16. denboraldiak)
Tolosa: Bertako Triangulo plaza, ibaiertzeko pasealekua eta azoka egiteko erabiltzen den plaza Arralde herriaren erdigune nagusi gisa azaldu dira, kanpoko eszenen ardatz nagusi gisa (13-20. denboraldiak)
Orioko Antilla, Getariako Malkorbe eta Zumaiako Itzurun hondartzak: Arraldeko hondartza kokaketzeko erabili dira telesailaren denboraldi askotan zehar (4, 6-9, 11-17. denboraldiak)
Lekeitio: Bertan grabatu zen 6. denboraldiaren amaiera (Maria Luisaren bilobaren bahiketa)
Zumaia: 13. denboraldiaren amaierako eszena Zumaiako Flyschetan grabatu zen. Horrez gain, Madariaga ontziolaren kanpoaldeko eszenak bertako Balentziaga ontziolaren kanpoaldean grabatu ziren, 15-20. denboraldien artean
Getaria: Lehen eta hasierako eszenak herriko Alde Zaharrean grabatu ziren
2009ko irailean Espainia osoan ospetsu bilakatu zen: Arralden presoen aldeko bazkaria antolatu zutela-eta, ABC berri faltsua zabaldu[1] eta Audientzia Nazionalak eginbideak ireki zituen.[2]