Annaba

Annaba^[1] (arabieraz عنابة, ‘Annābah, lehen Bône, historikoki Hipona^[2]) Aljeria ipar-ekialdeko hiria da. Estatuko laugarren hiri handiena da, 257.359 biztanlerekin (2008^[3]).

Annaba عنابة Annaba Hipona Bône
commune of Algeria (en)
Irudi gehiago
Administrazioa
Estatu burujabe	Aljeria
Aljeriako probintzia	Annabako probintzia
District of Algeria	Annaba District
Izen ofiziala	عنابة
Jatorrizko izena	عنابة Annaba
Posta kodea	23000
Geografia
Koordenatuak	36°54′N 7°46′E
Azalera	49 km²
Altuera	3
Demografia
Biztanleria	257.359 (2008) −207.381 ()
Dentsitatea	5.252 bizt/km²
Informazio gehigarria
Ordu eremua	UTC+01:00
Hiri senidetuak	Bizerta, Saint-Étienne, Communauté urbaine de Dunkerque (en) eta Jekaterinburg

Historia

Hipona (latinez: Hippo Regius, hizkuntza punikoz: 𐤏𐤐𐤅‬𐤍) Numidiako antzinako hiri bat izan zen, Ubus ibaiaren ertzean zegoena.

Tiroren kolonia bat izan zen, Numidiako erregeen egoitza. Han bizi izan zen San Augustin Hiponakoa, hirian bertan hil zena, bandaloek hiria setiatu zutenean.

Badia edo golko batean zegoen, Hipponensis sinusetik bere izena zekarrena, gaur egun Annaba (Aljeria), Hippiprom izeneko irtengune batean. Hiriak, hegoaldean, Tipasa zuen, 70 kilometro ingurura, eta bi hiriek, txanpon amankomuna atera zuten, Baal jainko feniziarraren buruarekin aurrealdean, eta, atzealdean, zetrua eta izar bat, Astarte edo Melkart jainkoen buruarekin.

Erromatarrek, kolonia bihurtu zuten. Hiri garrantzitsu bat izan zen, bandaloek, 430ean, suntsitu zuten arte. Hippo Regiuseko zazpi gotzain ezagutzen dira, horien artean, Teogenes, Fidentius, bi hauek martiriak, Leontzio Valerio, San Agustin ordenatu zuena, eta San Agustin bera, azken honen garaian, hirian, gutxienez hiru monasterio zeudelarik, gotzainarenaz gain. Hirian, hiru kontzilio ospatu ziren.^[4]

Arabiarrek berreraiki zuten VII. mendean. 3 kilometro ingurura, Beleb al-Anab sortu zen. Karlos I.a Espainiakoak hartu zuen urte batzuez XVI. mendean, baina 1541ean ebakuatua izan eta Otomandar Inperioaren mende geratu zen. Frantziarrek hartu zuten 1832an eta Bône (Ona) izena eman zioten. Gaur egun Annaba deitzen da.

Klima

Datu klimatikoak (Annaba)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	27.2	30.0	36.4	38.0	38.8	44.0	47.5	46.1	44.0	41.0	33.0	29.0	'
Batez besteko tenperatura maximoa (°C)	16.3	16.8	18.6	20.5	23.7	27.5	30.5	31.3	28.9	25.9	20.8	17.6	23.2
Batez besteko tenperatura (ºC)	11.6	11.9	13.4	15.2	18.4	22.0	24.8	25.7	23.6	20.4	15.9	12.9	17.98
Batez besteko tenperatura minimoa (°C)	6.9	7.0	8.2	9.8	13.0	16.5	19.0	20.0	18.2	14.9	10.9	8.1	12.71
Erregistraturiko tenperatura minimoa (°C)	-2.0	-2.0	-0.1	0.0	2.0	4.0	8.0	8.0	7.3	5.0	0.0	-4.0	'
Pilatutako prezipitazioa (mm)	98.5	76.6	61.2	64.1	38.3	14.0	3.10	8.20	37.5	64.8	98.4	110.8	675.5
Prezipitazio egunak (≥ 0.1 mm)	14.5	12.2	11.4	11.2	8.2	4.2	1.4	2.8	6.9	9.5	14.5	14.6	111.4
Hezetasuna (%)	79.9	78.7	78.5	77.6	77.1	74.2	71.9	72.2	74.5	76.3	76.1	78.4	76.3
Iturria (1): World Meteorological Organization (NBE)[5]
Iturria (2): climatebase.ru[6]