Agustin Mujika
euskal pailazoa From Wikipedia, the free encyclopedia
Agustin Mujika Iartza[1] (Lasarte-Oria, Gipuzkoa, 1960ko martxoaren 16a) irakasle-monitorea, sortzailea, pailazoa, animatzailea, bentrilokuoa eta euskaltzalea da. Beti euskaraz lan egin du Agustin Mujikak; 1986an euskarazko barnetegiak sortu zirenetik, zenbait barnetegitan aritu da.
| Agustin Mujika | |
|---|---|
 | |
| Bizitza | |
| Jaiotzako izen-deiturak | Agustin Mujika Iartza |
| Jaiotza | Lasarte-Oria, 1960ko martxoaren 16a (65 urte) |
| Herrialdea | Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | pailazoa eta aktorea |
Lau urte zituela hasi zen eskolan ikasten. Frankismoaren errepresioko garai hartan, eskola publikoan ez zuten euskara irakasten; eta euskaraz egiten zutenek etxe barruan erabiltzen zuten. Agustinek gurasoak Aietekoa (Gipuzkoa) eta Elantxobekoa (Bizkaia) zituen, eta euskaraz zerbait bazekiten, baina belaunaldi hartako gehienek bezala nahiko galdua zeukaten.[2]
Agustin, bada, 16 urterekin hasi zen euskara ikasten. Euskal giroan erabat murgildu zen: futbola utzi eta Michelingo bolatokian izaten zen; musika jaialdi guztietara joaten zen; udan, udalekuetan begirale; gazte mugimenduan ere ibili zen; adiskide batzuei esker bere euskara hobetu zuen. 1977an, AEKren gau eskoletan ikasle eta irakasle aritu zen bi ikasturtetan. Gero, Irakasle ikasketak egin zituen. 1981eko otsailaren 23an Espainiako estatu-kolpea eman zutenean, Murtziako Cartagena herrian soldaduskan zebilen.[2]
Soldaduskaren ondoren, Lasarteko Pablo Garaikoetxea eskola publikoan irakasle aritu zen hiru urtez, eta ondoren Amezketako Zumadi eskolan urtebetez. Garai hartan irakasle talde batekin Xixuko ahatearen pertsonaia eta Satorra Irratia ere sortu zituen. Baina bere irakaskuntzan jarduera handiena (38 urtez) Euskal Girotze Barnetegietan izan da (Euba-Zornotzan, Gaztelun, Alkizan eta Seguran). Erretiratzean irakasle-monitore-hezitzaile lanari buruz liburu bat argitaratu zuen.
Sortzailea izanik, bere ideiari esker abiatu zen 1986az geroztik Lasarte-Orian egiten den eta hain ospetsua den Euskararen Maratoia.[3] Dagoeneko 10 aldiz ospatu da. Hain zuzen euskararen alde lan egiteko hasi ziren Agustin Mujika, Joxe Mari Agirretxe eta Patxi Sanz pailazo lanetan, hirurak Lasarte-Oriakoak, bata baserritarrez jantzita, eta bestea Olentzeroren rolean. 1987an ofizialki bihurtu ziren Takolo, Pirrutx eta Porrotx.[4] Gero ere, Takolo, Pirritx eta Porrotx taldeko Takolo pailazoa izan zen 2004an taldea utzi zuen arte. Zaldibian 2017 ere IZAN KANTUZ! ekimenaren antolatzaileetarikoa izan zen, zeinetan 26 ordu euskaraz abesten aritu baitziren.
Gaur egun Zaldibian bizi da. Oraindik ere Takolo rolarekin pailazo agerraldiak egiten ditu, noizbehinka, inguruko herrietan batez ere. Lasarte-Orian ere urte askoan Pirritx, Porrotx eta MariMototsekin batera azaldu da.
Oso gaztetatik hasi zen.
Bentrilokuoa
2004tik aurrera bentrilokiaren munduan hasi zen probatzen. Izan ere, astero lanpostuan haur ezberdinak zituen eta. Panpin ezberdinekin aritu eta oraindik aritzen da (beste panpina askoren artean, Mirentxu berritsua, Martintxo txikia, Praixku gaztetxoa, Tiburtzio aitona eta azkenean, Ximon ikaragarria).
Irakaskuntza
Politika
Euskalgintzan murgildua zela, 1980an Lasarte-Orian hautagaien zerrendan azaldu zen. 1984an eskolako umeekin Andoaingo Leitzaran errekara kanpin batera joatekoa zela Guardia Zibilak atxilotu eta torturatu zuen. Irakasle eta ikasleek Mujikaren askatasuna eskatzeko herriko errepidea moztu zuten. Libre atera zen, kargurik gabe.[5] Zaldibian Batasuneko zinegotzi izana, Zaldibiako Udalak herriko etakide bat seme kutun izendatu zuelako akusazioaren pean, 2007an Espainiako Auzitegi Nazionalak beste 8 zinegotzirekin batera prozesatu zuen.[6] Libre atera ziren, kargurik gabe.[7]
Bestelakoak
Euskararen maratoia
26 ordutan euskaraz: Izan kantuz Zaldibian
Auzolan kulturalak
Gustoko aktibitateak
Publikatutako lanak
Diskagintza
Bideogintza
Liburugintza (publikazioak)
![Thumb](#/media/Fitxategi:Barnetegiak_"_Oinarri,_jolasak_eta_teknika_hezitzaileak_2019".jpg)
Sariak
Argazki galeria
.jpg)
Takolo, Pirrutx eta Porrotx 1987an. Lasarte-Oriako Zumaburu plazan.
Takolo, Pirrutx eta Porrotx, Ordizian (Gipuzkoa), 1988an.
Donostiako Aste Nagusian, 1988an.
Ximon panpina, Takolorekin, 2018an.
Takolo, Kuki eta Koxmo, Lizartzako zubian, 2010ean.
Takolo, Kuki eta Koxmo pailazoak, Lizartzan (Gipuzkoa), 2010ean.
Segurako Euskal Girotze Barnetegian 2016an
Takolo, Pololo eta Elena Madalena, Beasainen, 2021.
Takolo, Pololo eta Elena Madalena, 2023an.
Erreferentziak
Kanpo estekak
Wikiwand - on
Seamless Wikipedia browsing. On steroids.