Abetxukoko geltokia

Abetxuko Gasteizko tranbia geltokia da, Arabako Gasteiz hiriburuko Abetxuku auzoan kokatuta dagoena, Maiatzaren 1.ko plazan hain zuzen ere.

42.876192°N 2.679633°W / 42.876192; -2.679633

Abetxuko
Geltokia, San Jose elizaren parean
Lineak
◄ ► Kristo
Kokapena
Helbidea	Maiatzaren 1.ko plaza; 01013
Udalerria	Gasteiz,  Araba
Geltokiaren datuak
Irekiera	2012ko irailaren 7a
Irisgarria
Nasak	2
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
Euskotren Tranbia	Abetxuko ↔ Florida

linea (Gasteizko tranbia)
Abetxuko 1' Kristo 2' Kañabenta 2' Artapadura 1' Arriaga 1' Gernikako Arbola 2' Forondako Atea 1' Intermodala 2' Ibaiondoraino Honduras 2' Europa 1' Antso Jakituna 1' Lovaina 2' Legebiltzarra 2' Angulema 1' Florida Unibertsitateraino

Geltokia Euskotren Tranbiak operatzen zu eta 2012ko irailaren 7an inauguratu zen.

2012an Kañabenta eta Abetxukoko geltokien arteko tartea ireki zen arte, Kañabentako geltokiak Abetxuko izena zuen.

Historia

2012ko irailaren 7an adarraren luzapena egin zen, auzo honen iparraldera. Orduan, Kañabenta eta gaur egungo Abetxukoko geltokiaren arteko tartea ireki zen, eta geltokiaren izena Kañabenta izatera pasa zen.^[1]

Tranbiaren hegoaldeko luzapen lanak zirela eta geralekua itxiarazi zen 2019ko abuztuaren 12tik urte bereko irailaren 1.ra arte. Egun horien artean Angulemako geltokia eta Floridaren arteko tranbia adarraren lotura gauzatu zen.^[2]

Epealdi berean, geralekua egokitu zen Euskotren Tranbiak Gasteizko tranbiarentzako eskatutako 44 metro luze diren tranbia unitate berriak jaso ahal izateko. Hala, markesinen albo baikotzean 1,8 metroko igarobide librea utzi da, bloke teknikoak birkokatuz eta markesinaren gainerako elementuak egokituz, eta nasak luzatu dira.^[3]

Sarbideak

Araka kalea

Geltokia

Alboko nasa, jaitsiera eskuinetik

← Kristo eta Floridaraino

Floridatik datorrena (jaitsera bakarrik) →

Alboko nasa, jaitsiera eskuinetik

Geltokia

Geltokiak markesina, bi trenbide eta nasa zentrala ditu, eta txartelen salmenta zein birkarga automatikorako makina, hiru balioztatze-makina, eta Minutran eta Sitran sistemez hornituta dago. Minutran eta Sitran sistemak tranbia heltzeko falta den denbora adierazteko informazio sistemak dira, markesinaren gainean kokatutako dorrea eta markesinan kokatutako pantailaren bitartez, hurrenez hurren.

Geltokiaren ondoan Abetxukuko ikastola eta eliza daude. Kokapenagatik, auzokideen artean goiko geralekua edota elizako geralekua ezizenez ezagutzen da.

Konexioak

Ez dago TUVISA edo Araba Busarekin konexioak.

Irudiak

• 
  Abetxukuko eliza eta geltokia
• 
  Tranbia unitate bat Abetxukoko geltokira heltzen
• 
  Abetxukoko geltokia
• 
  Abetxukoko geltokiaren seinaleztapena Braillen