Euskal aktore eta marrazkilaria From Wikipedia, the free encyclopedia
Xabi Tolosa (Tolosa, Gipuzkoa, 1987ko irailaren 23a) aktorea eta marrazkilaria da. ¡Caramba! argitaletxeak argitaratu zuen Esto se ha hecho mil veces (euskaraz: «Hau mila aldiz egin da») komikiarengatik ezaguna da; era berean, Cabás zein Todos tus secretos film luzeetan jokatu zituen rol nabarmenengatik ere fama handia lortu zuen. Fotogramas aldizkariak, 2016an, Espainiako Erresumako «beste zinemagintzako» funtsezko hamar antzezleen artean sartu zuen.[1]
Xabi Tolosa | |
---|---|
Bizitza | |
Jaiotzako izen-deiturak | Xabier Tolosa |
Jaiotza | Tolosa, 1987ko irailaren 23a (37 urte) |
Herrialdea | Gipuzkoa, Euskal Herria |
Hezkuntza | |
Hizkuntzak | euskara gaztelania |
Jarduerak | |
Jarduerak | aktorea, marrazkilaria eta irakaslea |
xabitolosa.com | |
Xabi Tolosan jaio zen 1987an, bere unibertsitate-ikasketak Bilbon egin zituen, bikoizketa zein antzerki lanetan murgilduta zegoen bitartean.[2] 2011an Madrilera joatea erabaki eta bertan, film laburretan zein publizitatean lan egiteari ekin zion. Hurrengo urtean Cabás film luzea egin zuen Pablo Hernando zuzendari arabarraren gidaritzapean, azken hau espainiar low cost zinearen eredu gisa hartzen da.[3][4] Hurrengo urteetan gauzatu zituen lanen artean Nacho Vigalondoren Carlota film laburrean eta Manuel Bartualen Todos tus secretos pelikulan egin zituenak aipagarri ditugu.[5] Aipatu dugun azkenak Malagako Jaialdian sari bat jaso zuen, argitaratu zen urtean bertan.[6] Denboraldi horretan zehar, 2012an bere kabuz, Esto se ha hecho mil veces komikia argitaratzeari ekin zion, horretarako sare sozialak baliatuz. Bic boligrafoekin egindako komiki autobiografiko bat dugu,[7] sare sozialei esker zabaltzea lortu zuena.[8][9] 2013an, ¡Caramba! argitaletxeak, humorean esperientziadunak, aipatutako komikiaren lehen hiru denboraldien bilduma bat izateko asmoa zuen liburu bat argitaratu zuen.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.