From Wikipedia, the free encyclopedia
Vladikavkaz[1] (osetieraz: Дзæуджыхъæу, Dzæwdžyqæw; errusieraz: Владикавказ) hegoaldeko Errusiako hiria da, Ipar Osetia-Alaniako hiriburua eta hiririk handiena. Kaukaso mendikatearen iparraldeko isurialdean dago, Terek ibaiaren ertzean. 291 km²ko eremua du eta 2010ean 311.693 biztanle zituen[2].
| Vladikavkaz Владикавказ Дзæуджыхъæу | ||
|---|---|---|
| hiri/herria | ||
 | ||
| ||
| Administrazioa | ||
| Estatu burujabe |  Errusia | |
| Errusiako errepublikak |  Ipar Osetia-Alania | |
| Hiri okruga | Vladikavkaz Urban Okrug | |
| Alkatea | Boris Albegov (en)  | |
| Izen ofiziala | osetieraz: Дзæуджыхъæу errusieraz: Владикавказ | |
| Jatorrizko izena | Владикавказ Дзæуджыхъæу | |
| Posta kodea | 362000–362999 | |
| Geografia | ||
| Koordenatuak | 43°02′24″N 44°40′39″E | |
 | ||
 | ||
| Azalera | 291 km² | |
| Altuera | 692 m | |
| Demografia | ||
| Biztanleria | 306.978 (2017) 2.081 (2019) | |
| Dentsitatea | 1.055 bizt/km² | |
| Informazio gehigarria | ||
| Sorrera | 1741 | |
| Telefono aurrizkia | 8672 | |
| Ordu eremua | UTC+03:00 | |
| Hiri senidetuak | Vladivostok, Makhatxkala, Stavropol eta Severodvinsk | |
| Hizkuntza ofiziala | Osetiera eta errusiera | |
| http://vladikavkaz.osetia.ru | ||
Etniari dagokionez, osetiarrak eta errusiarrak dira biztanle gehienak, baina armeniar, georgiar, alemaniar eta greziar gutxiengoak daude.
Hiria 1784. urtean sortu zuten. 1930-1944 eta 1954-1990 bitartean Ordzhonikidze izena izan zuen, Sergo Ordzhonikidze agintariaren omenez. 1944-1954 urte bitartean, berriz, Dzaudzhkau izena izan zuen.
Vladikavkazek klima kontinentala du, uda epelekin (Dfb Köppen klima sailkapenaren arabera).
 Datu klimatikoak (Vladikavkaz)  | |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Erregistraturiko tenperatura maximoa (°C) | 19.6 | 23.0 | 30.3 | 34.0 | 35.0 | 38.0 | 37.5 | 39.2 | 38.2 | 33.5 | 27.0 | 27.1 | 39.2 |
| Batez besteko tenperatura maximoa (°C) | 3.0 | 3.2 | 7.7 | 14.8 | 19.4 | 23.2 | 25.7 | 25.4 | 20.8 | 15.1 | 8.4 | 4.3 | 14.3 |
| Batez besteko tenperatura (ºC) | -1.9 | -1.7 | 3.0 | 9.5 | 14.1 | 18.0 | 20.6 | 20.1 | 15.6 | 9.8 | 3.6 | -0.7 | 9.2 |
| Batez besteko tenperatura minimoa (°C) | -5.6 | -5.7 | -0.9 | 5.1 | 9.6 | 13.5 | 16.1 | 15.7 | 11.2 | 5.7 | 0.1 | -4.2 | 5.1 |
| Erregistraturiko tenperatura minimoa (°C) | -27.2 | -27.8 | -22.0 | -8.9 | -2.8 | 2.2 | 7.5 | 6.0 | 0.0 | -10.0 | -22.2 | -25.0 | -27.8 |
| Pilatutako prezipitazioa (mm) | 31 | 34 | 54 | 85 | 140 | 175 | 109 | 89 | 75 | 60 | 46 | 31 | 929 |
| Prezipitazio egunak (≥ 1 mm) | 6 | 6 | 8 | 10 | 14 | 14 | 11 | 9 | 8 | 7 | 7 | 6 | 106 |
| Iturria (1): Pogoda.ru.net[3] | |||||||||||||
| Iturria (2): World Meteorological Organisation (UN) [4] | |||||||||||||
Garrantzi handia du Kaukasoko mendien arteko komunikabide nagusiak, burdinbideak eta errepideak, bertan lotzen direlako. Industria (burdingintza, beiragintza, zurgintza, janari industria), meategiak (beruna, zinka, zilarra) eta zerbitzuak dira ekonomia jarduera nagusiak.
Vladikavkazen hainbat erakunde daude: Estatuko Ipar Osetiako Unibertsitatea, Ipar Kaukasoko Unibertsitate Teknologikoa, Akademia Medikoa, Zibilizazio Institutua, Nekazaritza Akademia, Institutu Pedagogikoa eta Management Institutua, besteak beste.
FC Alania Vladikavkaz taldeak Errusiako futbol liga irabazi zuen 1995ean.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
