Txikipedia:Siriako Gerra Zibila
From Wikipedia, the free encyclopedia
Siriako gerra zibila gatazkan dauden hainbat alderdiren artean 2011n hasitako borroka armatua da. Hasieran, Bashar al-Assad diktadorearen soldaduen eta herrialdean aldaketa politikoak nahi zituzten herritarren arteko borroka bat zen.
![Thumb image](http://upload.wikimedia.org/wikipedia/commons/thumb/1/1e/Syrian_civil_war_gallery.jpg/640px-Syrian_civil_war_gallery.jpg)
Geroago, beste talde batzuk ere sartu ziren gerran. Adibidez, kurduek estatu burujabe propioa ezarri nahi dute herrialdearen iparraldean. Estatu Islamikoa izeneko talde armatuak ere hartzen du parte gatazkan; beste guztien aurka borrokatzen da eta Siria estatu musulman erradikal bat bihurtu nahi du. Siriako zenbait lekutan, Al Kaida talde terroristako kideak ere sarturik daude gatazkan. Gainera, beste hainbat estatu ere esku hartzen ari dira gerran euren interesengatik, Turkia, Saudi Arabia, Iran eta Errusia, besteak beste.
Gerra honetan, jadanik milioi erdi pertsona baino gehiago hil direla kalkulatzen da. Horrez gain, zenbait milioi siriarrek herrialdetik ihes egin dute eta gehienak Europara iristen saiatu dira asiloa eskatzeko. Oso gutxik lortu dute, ordea, eta asko egoera txarrean bizi dira oraindik errefuxiatu edo iheslarien kanpamentuetan, batez ere Turkian, baina baita Grezian ere.