Txikipedia:Pluton (planeta nanoa)
From Wikipedia, the free encyclopedia
Pluton gure Eguzki-sistemako planeta nano bat da; planeta nanoak ez dira planetak, baina bai oso antzekoak. Pluton, adibidez, gure Ilargia baino txikiagoa da: Ilargiaren diametroaren bi heren (⅔) ditu Clyde W. Tombaugh izeneko astronomo estatubatuar batek aurkitu zuen 1930ean; ordura arte, zientzialariek, Neptuno izeneko planeta aztertzean, ikusia zuten orbita apur bat bitxia egiten zuela Eguzkiaren inguruan. Horren arrazoi bakarra izan behar zuen argizagi edo gorputz astronomikoren bat egongo zela haren ondoan eta haren ondorioz zuela Neptunok orbita apur bat aldatua.
Planeta nano honen azalerak asko laguntzen digu haren tamaina ulertzeko: Plutonek 17 milioi km² ditu, eta Errusiak ia 17,1 milioi km². Beraz, Plutonen azalera txikiagoa da Errusiakoa baino.
![Thumb image](http://upload.wikimedia.org/wikipedia/commons/thumb/d/d3/Global_LORRI_mosaic_of_Pluto_in_true_colour.jpg/640px-Global_LORRI_mosaic_of_Pluto_in_true_colour.jpg)
Harkaitzez eta metano, ur eta nitrogeno izoztuz egina dago. Pluton izena hildakoen munduko jainko baten izena da. Eguzkitik oso urrun zegoelako jarri zioten.