Txikipedia:Lurreko erliebea
From Wikipedia, the free encyclopedia
Lurreko erliebea Lurrazalak dituen forma desberdinak dira; izan ere, Lurrazala ez da laua eta ez du lodiera edo sakonera berdina toki guztietan: zenbait lekutan, lodiagoa da, 8.848 metroko altueraraino (Everest mendia) iristen diren kontinenteak osatzen dituelako; eta, beste zenbait lekutan, aldiz, meheagoa da, itsaspean sakonera handietaraino hondoratzen delako (Marianetako itsas hobiak 11.000 m baino gehiagoko sakonera du).
![Thumb image](http://upload.wikimedia.org/wikipedia/commons/thumb/5/5a/Earth_Topographic_Map.jpg/640px-Earth_Topographic_Map.jpg)
Lurreko eremurik baxuenak urez estalita daude, eta ozeano edo itsaso izeneko ur gazi masa handiak osatzen dituzte (itsasoak sakonera gutxiagokoak izaten dira eta kostaldeetatik hurbil egoten diren ozeano-zatiak dira). Lurreko eremu altuak, berriz, lurrez estalita daude eta kontinentetan banatuta. Lurrazalean, dena dela, ozeano eta itsasoek betetako eremua (% 71) askoz ere handiagoa da lehorrak betetzen duena (% 29) baino.