Tokioko Museo Nazionala

Tokioko Museo Nazionala (japonieraz: 東京国立博物館, Tōkyō Kokuritsu Hakubutsukan^?) Tokioko museorik garrantzitsuena da eta Japoniako handiena. Ueno parkearen ipar-ekialdean dago beste hainbat museorekin batera.

Tokioko Museo Nazionala
Egunez   Gauez   Barnealdea   Sarrera  Museoko Honkan eraikina Irudi gehiago
Kokapena
Estatu burujabe	Japonia
Metropolitan prefecture	Tokio
Special ward of Japan	Taitō
Chōchō	Ueno-kōen
Arkitektura
Deskribapena
Irekitze data	1872
Webgunea	http://www.tnm.jp

Museoak Asiako eta batez ere Japoniako arte eta arkeologia bilduma handia dauka, 110.000 objetutik gora, hauetatik 87 Japoniako Altxor Nazional izendaturik daude.

Historia

1872an sortu zen eta 1882an ezarri zen gaur egungo lekuan. 1945eko bonbaketetan baino ez da egon itxita. 1947an Hezkuntza Ministerioaren esku gelditu zen.

Egitura

Bost eraikinek osatzen dute museoa.

Honkan (japonieraz: 本館^?) eraikin nagusia da eta lehenengo eraiki zena. Bi solairu ditu. Jōmon Aroko buztinezko irudiak, kaligrafia, tea prestatzeko tresneria, samuraien armadura eta ezpatak, no eta kabuki antzerki tradizionaletako jantziak eta beste hainbat objetu ikus daitezke.

• 
  Samuraien armadura.
• 
  XIX mendeko ezpata.
• 
  XIX mendeko jantzia.
• 
  Nakahama Manjirōren bidaien mapa, 1850an.
• 
  XIII mendeko kaligrafia.

Tōyōkan (japonieraz: 東洋館^?) Asiari dedikaturiko eraikin hau 1968an inauguratu zen. Hiru solairu ditu espiralean kokaturik. Txina eta Koreako objetuak nagusi badira ere, Indotxina, India, Ekialde Hurbila eta Egiptoko arkeologia ere badu.

• 
  I edo II mendeko Buda pakistandarra.
• 
  II mendeko Maitreyaren irudia, Gandharakoa.

Heiseikan (japonieraz: 平成館^?) Japoniako aurkikuntza arkeologikoak dituen eraikina da, Honkan eraikinetik ateratzen den korridore batek eramaten du bertara. 1999an ireki zen. Jōmon Aroko zeramika da nagusi, K.a. 10.000-7.000 urte arteko objetuak dira.

• 
  Zaldi itxurako haniwa, hilobietako buztinezko objetua.
• 
  Narako tenpluko teilak.

Hyōkeikan (japonieraz: 表慶館^?) Meiji printzearen (gero Taishō enperadorea izango zena) ezkontza omentzeko 1909an inauguratu zen eraikinak XX mende hasierako mendebalde-estiloko artelanak ditu.

Hōryū-ji Hōmotsukan (japonieraz: 法隆寺宝物館^?) 1878an Horyu-ji tenplo budistak Enperadoreari emandako objetuak erakusten dituen eraikina da. 1999an inauguratu zuten.

Kanpo estekak

• (Japonieraz)(Gaztelaniaz)(Ingelesez) Tokioko Museo Nazionaleko webgunea

• Datuak: Q653433
• Multimedia: Tokyo National Museum / Q653433