From Wikipedia, the free encyclopedia
Tianshui (txinera sinplifikatuz: 天水; pinyinez: Tiānshuǐ), Gansu probintzian kokatutako prefektura mailako hiria da. Guztira, 3.250.000 biztanle inguru dauzka eta probintziako bigarren hiririk handiena da.
Tianshui | |
---|---|
Prefektura mailako hiria | |
![]() | |
Administrazioa | |
Estatu burujabe | ![]() |
Txinako probintzia | Gansu |
Izen ofiziala | 天水市 |
Posta kodea | 741000 |
Geografia | |
Koordenatuak | 34°34′51″N 105°43′52″E |
![]() | |
![]() | |
Azalera | 14.277,2 km² |
Altuera | 1.171 m |
Demografia | |
Biztanleria | 2.984.659 (2020)![]() |
Dentsitatea | 209 bizt/km² |
Informazio gehigarria | |
Telefono aurrizkia | 0938 |
Ordu eremua | UTC+08:00 |
Hiri senidetuak | Bendigo (en) ![]() |
Matrikula | 甘E |
tianshui.gov.cn |
Tianshui izena Qin dinastiaren garaian azaldu zen lehen aldiz[1] eta "ur zerutiarra" esan nahi du. Wei dinastiaren garaian Hanyang izena izan zuen eta Tang dinastiaren garaian Shanggui.
Kondairak dioenez Fuxi-ren jaiolekua da. Txinako kulturan arbaso kontsideratzen den hiru errege jakintsuetako bat zen Fuxi[2].
Neolito garaian Dadiwan kultura sortu zen eskualde honetan eta ondoren Qin estatua eratu zen[3]. Tianshui ondoan dagoen Fangmatan arkeologia eremuan hainbat Qin hilobiren indusketak egin dira eta beste altxor ugariren artean 2.200 urte dituen Qindarren Guixian konderriaren mapa bat aurkitu da[4].
K.a. X mendean Mendebaldeko Zhou dinastiak Rong leinuen erasoek eraginda Tianshui lurraldea berreskuratu zuen hainbat etnia nomadei kenduta eta dukerri garrantzitsua bihurtu zen[3]. K.a. I mendean Wu enperadoreak Tianshui komandantzia eratu zuen, inperioa mendebalderantz zabaltzen ari baitzen eta Tarim arroa kontrolatu ahal izateko.
Wei ibaiaren bidez Xi'an hiriburuarekin lotzen zenez Iparraldeko Zetaren Bidea bertatik pasatzen zen[5]. Budismoa bide hau jarraituz hedatu zen eta erakusgarri artistiko ugari utzi zituen, Tianshuien dauden aipagarrienak Maijishan leizeak dira[6].
Tianshui Jie ibaiaren ertezean kokaturik dago, hego-ekialderantz isurtzen dena. Jie Wei ibaiaren adar nagusia da. Hiriaren hegoaldea eta ekialdea menditsuak dira eta iparraldean loess eremu bat dago[1].
Iparralde eta mendebaldean Dingxi hiriarekin egiten du muga, hegoaldean Longnan hiriarekin eta ekialdean Shaanxi probintziarekin.
![]() ![]() | |||||||||||||
---|---|---|---|---|---|---|---|---|---|---|---|---|---|
Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
Batez besteko tenperatura maximoa (°C) | 3.5 | 6.7 | 12.2 | 19.4 | 23.7 | 27.1 | 28.8 | 27.9 | 22.3 | 16.6 | 10.5 | 4.9 | 17.0 |
Batez besteko tenperatura minimoa (°C) | −5.9 | −3.0 | 1.6 | 7.0 | 11.3 | 15.0 | 17.8 | 17.1 | 12.7 | 7.0 | 0.7 | −4.6 | 6.4 |
Pilatutako prezipitazioa (mm) | 5.1 | 6.0 | 18.7 | 38.0 | 54.5 | 68.9 | 84.6 | 78.8 | 74.3 | 47.1 | 12.1 | 3.6 | 491.7 |
Prezipitazio egunak (≥ 1 mm) | 5.0 | 5.2 | 7.9 | 8.9 | 10.5 | 11.2 | 11.8 | 10.7 | 11.2 | 10.6 | 5.4 | 3.0 | 101.4 |
Eguzki orduak | 144.3 | 128.4 | 142.2 | 182.0 | 201.7 | 190.0 | 195.7 | 193.4 | 125.4 | 123.7 | 133.4 | 151.0 | 1911.2 |
Hezetasuna (%) | 62 | 60 | 61 | 59 | 62 | 66 | 70 | 71 | 76 | 77 | 71 | 65 | 66.7 |
Iturria: China Meteorological Administration |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.