Thomas Eakins

Thomas Cowperthwaite Eakins (Filadelfia, 1844ko uztailaren 25a - ibidem, 1916ko ekainaren 25a) Ameriketako Estatu Batuetako Errealismoko margolaria izan zen.

Thomas Eakins
Irudi gehiago
Bizitza
Jaiotza	Filadelfia, 1844ko uztailaren 25a
Herrialdea	Ameriketako Estatu Batuak
Heriotza	Filadelfia, 1916ko ekainaren 25a (71 urte)
Hobiratze lekua	The Woodlands (en)
Familia
Ezkontidea(k)	Susan Macdowell Eakins (en)
Hezkuntza
Heziketa	Pennsylvania Academy of the Fine Arts (en) Arte Ederren Goi Eskola Nazionala
Hizkuntzak	frantsesa gaztelania alemana ingelesa
Irakaslea(k)	Jean-Léon Gérôme Léon Bonnat
Ikaslea(k)	ikusi Thomas Pollock Anshutz (mul) Amelia Van Buren (en) Carol Storck (en)
Jarduerak
Jarduerak	margolaria, eskultorea, argazkilaria eta art educator (en)
Parte-hartzailea 1932ko Udako Olinpiar Jokoak
Lantokia(k)	Filadelfia Paris Suitza Alemania Espainia eta Filadelfia
Enplegatzailea(k)	Drexel University (en) Pennsylvania Academy of the Fine Arts (en)
Lan nabarmenak	ikusi The Chess Players (en) The Gross Clinic (en) Swimming (en) Max Schmitt in a Single Scull (en) Miss Amelia Van Buren (en)
Mugimendua	Errealismoa
Izengoitia(k)	Eakins, Thomas Cowperthwaite
Genero artistikoa	erretratua Margolaritza argazkilaria erretratua genero-artea figure (en) biluzia
thomaseakins.org

Biografia

Eakins ia bere bizitza osoa Filadelfian bizi izan zen. Haren gurasoak Caroline Cowperthwait Eakins eta Benjamin Eakins ziren; aita kaligrafia irakaslea zen eta semea berarekin ikasi zuen gero margolaritzan erabiliko zituen teknika batzuk. Thomas Eakins kirolzalea zen eta zaletasun hori ere bere lanetan ikusiko da. Central High Schoolen ikasi zuen eta ordurako marrazketa mekanikoan gailendu zen. 1861an, Pensilvanyako Arte Ederren Akademian hasi zen. Halaber, 1864tik 1865ra Jefferson Medical Collegen anatomia ikastaroak egin zituen. Giza-gorputzarekiko erakusten zuen interesa zela eta, kirurgia ikasteko ideia eman zion.

1866tik 1870 arte Europan ikasi zuen, batez ere Parisen, bereziki Jean-Léon Gérôme orientalismoaren maisuarekin; Eakins margolari errealista ospetsu horren bigarren ikasle estatubatuarra izan zen. Baita ere Léon Bonnaten tailerrean ikasi zuen. Bonnatekin Eakinsek zehaztasun anatomikoa ikasi zuen. École des Beaux-Artsen ikasten ari zenean ez zuen ez inpresionismoarekiko ezta ere akademizismo frantsesaren aldeko interes handirik erakutsi.

Frantziatik Espainiara joan zen eta, berriro ere, Estatu Batuetara. Han margolari errealista bezala ibilbide oparoari ekin zion. Argazkilaritzarekiko interesa ere erakutsi zuen. 1882an Pensilvanyako Arte Ederren Akademiako irakaslea izendatu zuten. Eskola nahiko abandoardista zen eta argazkilaritza irakasteko aukera eman zion. 1886an, eskandalu bat izan zuen eta lanpostua galdu zuen. Dirudienez, emakumeei zuzendutako anatomia ikastaro batean gizonezko modelo bat biluzik erakutsi zuen. Haren emaztea, Susan Macdowell Eakins (1851-1938), margolaria izan zen ere bai.

Iruditegia

• 
  Swimming hole (1884-1885).
• 
  Agnew klinika (1896).
• 
  Pianista (1896).
• 
  Miss Amelia Van Buren (1891).
• 
  Salutat (1898).
• 
  Neska gazte baten estudioa (1868).
• 
  Haurra jolasten (1876).

Kanpo loturak

Wikimedia Commonsen badira fitxategi gehiago, gai hau dutenak: Thomas Eakins

• (Ingelesez):Thomaseakins.org Thomas Eakinsen 148 margolan.
• (Ingelesez):Thomas Eakins Exhibition, The Metropolitan Museum of Art.

• Datuak: Q214905
• Multimedia: Thomas Eakins / Q214905