From Wikipedia, the free encyclopedia
Stellantis N.V. nazioarteko automobil-taldea da, eta Herbeheretan du egoitza. 2021eko urtarrilaren 16an sortu zen, Fiat Chrysler Automobiles italo-estatubatuarraren eta Groupe PSA frantziarraren arteko bat-egitearen ondorioz.[1] 2021eko urtarrilaren 18an, taldeak Milango eta Parisko balio-poltsetan hasi zuen kotizazioa, eta 2021eko urtarrilaren 19tik aurrera, New Yorkeko balio-burtsan.
Stellantis | |
---|---|
Datuak | |
Mota | erakunde komertziala, automobile manufacturer (en) , konglomeratua eta erakundea |
Jarduera sektorea | activities of head offices (en) , automobilgintza eta Produkzio-sistema |
Herrialdea | Herbehereak eta Frantzia |
Jarduera | |
Honen parte | CAC 40 |
Eskumendekoak | |
Enplegatuak | 258.275 (2023ko abenduaren 31) |
Ekoizpena | |
Agintea | |
Lehendakaria | John Elkann (en) |
Zuzendari exekutiboa | Carlos Tavares (en) |
Egoitza nagusi | |
Legezko forma | naamloze vennootschap (en) |
Jabea | Agnelli family (en) , Peugeot family (en) eta Bpifrance |
Ekonomia | |
Aktiboak | 186.200.000.000 € (2022) |
Kapital berekia | 72.400.000.000 € (2022) |
Diru-sarrerak | 189.544.000.000 € (2023) |
Irabazi garbia | 18.625.000.000 € (2023) |
Ustiapen-mozkina | 22.376.000.000 € (2023) |
Balore-burtsa | Parisko Burtsa, Italiako burtsa eta New Yorkeko burtsa |
Historia | |
Sorrera | 2021eko urtarrilaren 16a |
Ordezkatzen du | Groupe PSA eta Fiat Chrysler Automobiles (en) |
webgune ofiziala |
Taldeak FCA Italyren Fiat, Alfa Romeo, Lancia, Maserati eta Abarth; FCA US-ren Jeep, Chrysler, Dodge eta RAM; eta Groupe PSA-ren Peugeot, Citroën, DS, Opel eta Vauxhall markak ustiatzen eta merkaturatzen ditu.
2021eko bigarren seihilekoan, Stellantisek baieztatu zuen 30.000 milioi euro inbertituko zituela 2025era arte, markak elektrifikatzeko trantsizioa azkartzeko eta software berria garatzeko. Lau arkitektura elektriko eta eskalagarri sortzea du helburu.[2]
2019an FCAk eta PSAk bat egiteko konpromisoa sinatu ondoren, Carlos Tavaresek —orduan PSAko burua— berretsi zuen erakunde berriaren izena ez zela ezagutuko zenbait aste igaro baino lehen: “Oraindik ez dago zehaztuta”, onartu zuen PSAko buruak. “Gai horretan ari dira gure taldeak lanean. Beste bizpahiru hilabete behar dira modu seguruan iristeko, izen egokiarekin......[3]
2020ko uztailaren 15ean fusioaren izena jakinarazi zuten: "Stellantis", latinezko "stello" aditzetik datorrena, "izarrekin distira egitea" esan nahi duena.
FCA eta PSAren arteko bat-egiterako negoziazioetan itundutakoaren arabera, enpresa nagusia Herbeheretan kokatu zen, PSAk izendatutako bost kidez osatutako batzordearekin, FCAk izendatutako bost kidez, John Elkann FCAko burua barne.[4] Hamaikagarren kidea PSAko burua izango litzateke, Carlos Tavares, erakunde berriaren zuzendari exekutiboa ere izango litzatekeena.[5]
FCA eta PSAren arteko bat-egitea zehaztu ondoren, Stellantis 14 markaz osatuta zegoen. Era berean, marka horiek aliantza osatu zuten hiru egitura handien artean biltzen dira, eta hiru barne-unitate handi bihurtzen dira. Hona hemen marka horiek:
Bestalde, beste filial batzuk ere, bai FCAkoak bai PSAkoak, Stellantisen portafolioetan sartu ziren. Horietan sartzen dira beste ibilgailu mota batzuen fabrikatzaileak, teknologien eta autoparteen hornitzaileak, errendimendu handiko enpresak eta ekoizpen bateratuko beste batzuk. Hauek dira:
Stellantis filialak | ||
---|---|---|
FCA Italy | FCA US | Groupe PSA |
Fiat Powertrain Fiat Professional Comau PCMA Sevel Sud VM Motori TOFAŞ |
Mopar SRT |
Peugeot Cycles Faurecia Free2Move Peugeot-Citroën Moteurs Sevel Nord IKAP |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.