Stella Adler

Stella Adler (New York, 1901eko otsailaren 10a - Los Angeles, Kalifornia, 1992ko abenduaren 21a) estatubatuar antzezle eta irakaslea izan zen. Antzezle handia izateaz gainera, Stella Adlerrek Interpretazio Kontserbatorioa sortu zuen, eta han Konstantin Stanislavskik asmatutako Method interpretazio-teknikaren arabera trebatu ziren Marlon Brando, Warren Beatty, Robert De Niro eta beste aktore handi batzuk.

Stella Adler
Irudi gehiago
Bizitza
Jaiotza	Manhattan, 1901eko otsailaren 10a
Herrialdea	Ameriketako Estatu Batuak
Heriotza	Los Angeles, 1992ko abenduaren 21a (91 urte)
Heriotza modua	: bihotz-gutxiegitasuna
Familia
Aita	Jacob Pavlovich Adler
Ama	Sara Adler
Ezkontidea(k)	Mitchell A. Wilson (en)  1973) Harold Clurman  (1943 -  1960)
Anai-arrebak	ikusi Luther Adler Jay Adler (en)
Hezkuntza
Hizkuntzak	Yiddisha ingelesa
Irakaslea(k)	Ryszard Bolesławski Maria Ouspenskaya
Ikaslea(k)	ikusi Irina Brook (en) Marlon Brando Robert De Niro Martin Sheen Mark Ruffalo
Jarduerak
Jarduerak	zinema aktorea, antzerki aktorea eta interpretazio irakaslea
Lantokia(k)	New York
Jasotako sariak	ikusi Izarra Hollywoodeko Ospearen pasealekuan  (2006ko abuztuaren 4a)

Bizitza

Yiddish hizkuntzako antzezle-familia batean sortu zen, eta lau urterekin hasi zen bera ere antzezten, baina Group Theatre talde esperimentalarekin egin zen ezagun. Irakasteaz landa, Adlerrek hainbat antzerki-lan zuzendu zuen New Yorken; antzezle moduan aritu zen Lover on Toast (1938), Shadow of the Thin Man (1941) eta My Girl Tisa (1948) filmetan, eta lehen antzezle gisa, berriz, He Who Gets Slapped (1946) eta Oh Dad, Poor Dad, Mama´s Hung You in the Closet and I´m Feelin´ So Sad (1961) antzerki-lanetan. 1988an, Stella Adler on Acting («Stella Adlerrek antzezteari buruz») liburua argitaratu zuen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Stella Adler

• Datuak: Q32788
• Multimedia: Stella Adler / Q32788