From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Roppongi (japonieraz: 六本木) Tokioren erdigunean Minato auzoko barruti bat da. Auzo aberatsa da, batez ere Roppongi Hills eremua, eta gau giro handia ere badu.
Roppongi izenak "sei zuhaitz" esan nahi du eta badirudi 1660 inguruan jarritako izena dela, sei zelkoba zuhaitzek mugatzen baitzuten lurraldea. Zuhaitz hauetako azkenak XX. mendera arte iraun zuen baina Bigarren Mundu Gerrako bonbardaketetan suntsitua izan zen.
Roppongi eremua errepideek zeharkatzen bazuten ere ez zen Meiji berrezarkuntzara arte populatua izan, batez ere 1890an Japoniako Armada Inperiala inguruan ezarri zenetik aurrera. Soldaduen presentziak ekarri zuen gau giro aktiboa auzora.
Bigarren Mundu Gerraren ondoren Estatubatuar eta aliatuen armada zein enbaxadek bertan ezarri zituzten egoitzak eta atzerritarren eremu bihurtu zen. 2002 eta 2003 artean Izumi Garden Tower eta Roppongi Hills luxuzko konplexuak eraiki ziren eta honek bultzada ekonomiko izugarria eman zion.
Gaueko giro oso aktiboa dago Roppongi auzoan, atzerritar, ikasle, negozio gizon eta Estatu Batuetako militarren aisialdirako eremua bihurtu da. Ekitaldi ugari ere antolatzen dira, arte jaialdiak, dardo eta billar txapelketak, robot erakusketak...
XX. mendean yakuzaren presentzia handia bazen ere, gaur egun beste eremu batzuetara egin dute alde, Kabukichō auzora esate baterako. Aspaldian Nigeriako immigranteek ireki dituzte hainbat taberna eta istiluak izan dira.
