Psusenes II.a

Titjeperura Setepenra Pasebajaenniut edo Psusenes II.a, Egiptoko XXI. dinastiako azken faraoia izan zen, Egipto, K.a. 959tik K.a. 945 arte gobernatu zuena, Egiptoko hirugarren tarteko aroaren garaian.

Psusenes II.a
Irudi gehiago
Faraoi
Bizitza
Jaiotza	K.a. XI. mendea
Herrialdea	Antzinako Egipto
Heriotza	K.a. 945 ( urte)
Hobiratze lekua	Tanis
Familia
Aita	Pinediem II.a
Seme-alabak	ikusi Maatkare B (en)
Leinua	Egiptoko XXI. dinastia
Jarduerak
Jarduerak	estatu-politikaria

Tebaseko Amonen Apaiz Goren zen Pinediem II.a eta Isetemkheb IV.aren semea eta, beraz. Psusenes I.aren iloba, biloba eta birbiloba. Bi alaba izan zituen: Maatkara, XXII. dinastiako faraoia izan zen Osorkon I.arekin ezkondu zena, eta Tanetsepeh, Menfiseko Ptahren apaiz gorena zen Shedsunefertumekin ezkondu zena.

Manetonek, Psusenesen (Ψουσέννης) erregealdia hamalau urtekoa izan zela idatzi zuen, Julio Sexto Afrikanoren arabera Sinzelo fraidearen bertsioan. Eusebio Zesareakoarentzako, Psusenes II.ak 35 urteko erregealdia izan zuen (Sinzeloren bertsioa eta bertsio armeniarraren arabera). Adituek, 15 urte inguruko erregealdia izan zuela uste dute.

Bere garaiko testigutzak

Bere erregealdiko garaiko testigutza urrien artean, Abidoseko Seti I.aren tenpluan dagoen erliebe bat, Umm el-Qaabekoan ostrakon bat, afiliazio bat Karnaken eta bere ustezko lurperaketa, urrezko sarkofago bat eta uraeusa daraman momia batean datzana, Tanisen, Psusenes I.aren hilobiaren aurreganbera batean aurkitua.

Bere berehalako aurreko eta ondorengoak ez bezala, Siamon eta Sheshonq I.a, alegia, gutxi dokumentatua dago garaiko erregistro historikoetan. Litekeena da Psusenes III.a izenarekin ezagutzen den Amonen Apaiz Gorena eta Psusenes II.a pertsona bera izatea.

Aurrekoa Siamon

Egiptoko faraoia XXII. dinastia K.a. 959-K.a. 945

Ondorengoa Sheshonq I.a

• Datuak: Q165989
• Multimedia: Psusennes II / Q165989