![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Palomares_H-Bomb_Incident.jpg/640px-Palomares_H-Bomb_Incident.jpg&w=640&q=50)
Palomaresko istripu nuklearra
From Wikipedia, the free encyclopedia
Palomaresko istripu nuklearra edo Palomaresko gertakaria 1966ko urtarrilaren 17an gertatu zen, noiz Ameriketako Estatu Batuetako Aireko Armadaren B-52G bonbardaketari batek eta KC-135 hegazkin-zisterna batek Mediterraneo gainean elkarrekin talka egin zutenean. Bere erregaia eztanda eginez, KC-135a guztiz suntsiturik izan zen eta eskifaiaren lau kideak hil ziren. B-52Ga bitan zatitu eta zazpi laguneko eskifaiako lau lagun hil ziren.[1]
Palomaresko istripu nuklearra | |
---|---|
![]() | |
Mota | hegazkin-istripu mid-air collision (en) ![]() Broken Arrow (en) ![]() Erradiazio-kutsadura |
Honen parte da | Spain–United States relations (en) ![]() |
Data | 1966ko urtarrilaren 17a |
Kokaleku | Mediterraneoa |
Herrialdea | Espainia |
Abiapuntu | Goldsboro (Ipar Carolina) |
Helmuga | Goldsboro (Ipar Carolina) |
Kudeatzailea | Strategic Air Command (en) ![]() |
Kausa | hegazkin-istripu |
Pertsona hilak | 7 |
Bizirik irten direnen kopurua | 4 |
B-52Gak zituen Mk28 moduko lau hidrogenozko bonbetatik[2] hiru lurrean agertu ziren Palomaresen, Cuevas del Almanzora udalerriko arrantza-herrixka batean. Bonba bietako lehergai ez-nuklearrak inpaktuaren ondorioz eztanda egin eta bi kilometro karratuko eremua plutonioz kutsatu zuen. Laugarrena Mediterraneon erori eta bi hilabete erdiko bilaketa egin eta gero, estatubatuar armadak osorik berreskuratu zuen.[3]
Garai horretan Manuel Fraga Espainiako Informazio eta Turismo ministroa zen. Ministroa, urak ez zeudela kutsatuta erakusteko asmotan, Angier Biddle Duke AEBetako enbaxadorearekin batera Palomaresen bainatu zelako itxura egin zuen.[4] Egiaz, Almeriako beste hondartza batean bainatu zen, Palomaresek erradiazio maila arriskutsua baitzuen; eta halaxe da gaur egun ere, istripuaz geroztik Palomaresko hondartza hondakin erradioaktiboen legez kanpoko biltegia baita, kutsatutako 50.000 metro kubo lurrekin.[5]