Oi Ama Eskual Herri
Benito Lertxundiren abestia / From Wikipedia, the free encyclopedia
Oi Ama Eskual Herri Pierre Bordazarre (Etxahun Iruri) zuberotarrak idatzi zuen abestia da, Anaia etxen da ezkuntü izenpean. Urteak pasata Benito Lertxundi kantautoreak 1981ean moldatu zuen abestia Oi Ama Eskual Herri izenburuarekin, eta Altabizkar/Itzaltzuko bardoari bere laugarren albumean argitaratu zuen. Etxahun Irurik Mireille Mathieu frantses abeslariaren Acropolis adieu hartu zuen doinurako oinarri.
Oi Ama Eskual Herri | |
---|---|
Benito Lertxundi(r)en abestia Altabizkar/Itzaltzuko bardoari albumetik | |
Argitalpena | 1981 |
Musika mota | Folk |
Hizkuntza | Euskara |
Idazlea | Pierre Bordazarre |
![Thumb image](http://upload.wikimedia.org/wikipedia/commons/3/3f/Etxahun_iruri_armiarma.jpg)
![Thumb image](http://upload.wikimedia.org/wikipedia/commons/thumb/8/85/Musikaire_o6_Benito_lertxundi_012.jpg/320px-Musikaire_o6_Benito_lertxundi_012.jpg)
Pierre Bordazarrek (1908-1979) bereak ziren 100 kantu baino gehiago bildu zituen Khantan liburuan 1977an.[1][2] Horietatik ezagunenak dira, seguruenik, Agur Xiberua, Goizian argi hastian eta Oi ama Eskual Herria. Harmonika eta txirula jotzen ere ikasi zuen. Bigarren Mundu Gerran soldadu aritzea egokitu zitzaion, eta gerra horretan galdu zuen anaia. Pierre bederatzi hilabetez preso egon zen Alemanian, Euskal Herritik urruti. Ogibidez laboraria eta artzaina zen.
Benito Lertxundiren bertsioak, segur aski zabalduenak, akats batzuk ditu letretan. Etxahun Iruriren hau oso kanta ezagun bilakatu zen eta 2005ean Euskal Telebistak antolatu zuen Euskal Kanturik Onena saioan doinu hautatuen zerrendan egon zen. Doinu goxoa izan arren, 2012an Donostiako eztegu batean istilu bat sortu zuen .[3]