From Wikipedia, the free encyclopedia
Numismatika txanpon, domina eta billeteak aztertzen dituen jakintza-arloa da. Numismatikak laguntza handia dakarkie beste jakintzei, aztergai dituen txanponen aleazioen nolakotasuna eta pisua, metala, zabalkundea, testuak eta irudiak aztertuz oso datu baliagarriak ematen dutelako geografiaz, historiaz, erlijioaz, ohiturez, arteaz, ekonomiaz eta salerosketez. XVI. mendetik aurrera, numismatikak zabalkunde eta aurreramendu handia izan zuen. Gaur egun, Nazioarteko Batzorde batek ikerketarako jarraibideak arautzen ditu, eta nazioarteko kongresuak antolatzen. Numismatikari buruzko argitalpen asko daude; Parisko Revue Numismatique da zaharrena. Numismatikak badu, ikerketaz gainera, salerosketa-alderdi bat, txanpon- eta domina-bildumagileei dagokiena.
Txanponak kanpoko ikuspegitik azter daiteke, elementu neurgarriak kontuan hartuz, hala nola materia, pisua eta neurriak. Bestalde, barruko elementuak ere aztertzen dira, hala nola, txanponaren irudiak eta inskripzioak. Lortutako datuek iraganeko moneta-emisioen tipologiak berreraikitzeko ez ezik, historia ekonomikoa eta boterearen sinbologia ezagutzeko ere balio dute. [1]
Numimatika terminoa latineko numisma-tik dator («txanpon») eta grezierako νόμισμα, «nomisma, «txanpon arrunta, ohitura») hitzetik.[2]
![]() |
Artikulu hau zirriborroa da. Wikipedia lagun dezakezu edukia osatuz. |