From Wikipedia, the free encyclopedia
Saxonia Beherea[1] (alemanez: Niedersachsen ˈniːdɐzaksn̩ ahoskatua; behe-alemanez: Neddersassen) Alemaniako ipar-mendebaleko land edo estatua da. Hannover du hiriburu. 1946. urtean eratu zen, Hannover, Brunswick, Oldenburg eta Schaumburg-Lippe lurraldeak batu ondoren. 47.624 km2 ditu, eta 7.918.293 biztanle zituen 2010ean. Hiri nagusiak Braunschweig, Göttingen, Oldenburg, Osnabrück, Salzgitter eta Wilhelmshaven dira. Behe-alemanaz mintzo dira bertako biztanleak oro har, eta frisieraz Frisia aldean.
Saxonia Beherea Niedersachsen | |||
---|---|---|---|
| |||
Administrazioa | |||
Herrialdea | ![]() | ||
Hiriburua | Hannover | ||
Land burua | David McAllister (CDU) | ||
ISO kodea | DE-NI | ||
Bozak Bundesraten | 6 (69tik) | ||
Geografia | |||
Koordenatuak | 52°45′22″N 9°23′35″E | ||
![]() | |||
Azalera | 47.624 km² | ||
Demografia | |||
Biztanleria | 8.003.421 biztanle | ||
Dentsitatea | 0.17 bizt/km² | ||
Informazio gehigarria | |||
https://www.niedersachsen.de/ |
Saxonia Beherea lurralde laua da, Ipar Alemania bezalakoa. Frisiako kostaldean polderrak daude, itsasoari irabazitako lurraldeak. Mendi apal batzuk daude hegoaldean (Teutoburger Wald, Weser-ko mendiak eta Harz mendiak). Elba, Ems, Hunte eta Aller dira ibai nagusiak. Klima aldaketa bortitzik ez da, neguak hotz samarrak dira eta udak epelak; euria, 600-900 mm batez beste urtean.
Honako hauek dira Saxonia Behereko hiri nagusiak. Biztanleriaren datuak 2010eko abenduaren 31koak dira.
Nekazaritza garrantzitsua da (garia, oloa, garagarra, patata; behi azienda eta esnekiak). Garraio sarea ongi hornitua dago; burdinbideez eta errepideez gainera, berebiziko garrantzia dute ibaiek eta ubideek (Mittelland eta Dormunt-Ems ubideek bereziki), haietatik bideratzen baita Ipar Itsasorako garraioaren parte handi bat. Weser eta Elba ibaiak ontzitarako dira kilometro askotan, eta munta handiko portuak dira Wilhelmshaven, Emden, Nordenham eta Brake. Hannoverren da nazioarteko aireportu handiena.
2013ko urtarrilaren 20an izan ziren Saxonia Behereko parlamenturako azken hauteskundeak. CDU alderdi eskuindarrak irabazi zituen, baina aurreko legegintzaldian FDPrekin izandako gobernu koalizioak ez zuen gehiengo absoluturik lortu. Hala, Stephan Weil sozialdemokratak (SPD) osatuko du gobernua, berdeekin koalizioan.
Honako hauek izan ziren hauteskundeetako emaitzak:
Alderdia | Bozken ehunekoak | Diputatuak |
---|---|---|
Alemaniako Batasun Demokrata Kristaua (CDU) | % 36 | 54 |
Alemaniako Alderdi Sozialdemokrata (SPD) | % 32,6 | 49 |
90 Aliantza/Berdeak | % 13,7 | 20 |
Alderdi Demokratiko Askea (FDP) | % 9,9 | 14 |
Ezkerra (Die Linke) | % 3'1 | 0 |
Gainontzeko alderdiak | % 4,7 | 0 |
38 landa barruti (Landkreis) ditu:
Badaude 8 hiri barruti ere:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.