(CH2ClC=CHCH2)n formulako polimeroa. Goma sintetikoa da, eta ozonoarekiko, higadurarekiko, zenbait substantzia kimikorekiko, olioarekiko eta sugarrekiko erresistentea da. Kloroprenoaren polimerizazioz sortzen da. From Wikipedia, the free encyclopedia
Neoprenoa edo polikloroprenoa kautxu sintetikoen familia bat da, kloroprenoaren polimerizazioaz sintetizatutakoa. Neoprenoak egonkortasun kimiko ona du eta malgutasuna mantentzen du tenperatura-tarte zabal batean[1]. Neoprenoa kautxu solido gisa edo latex gisa saltzen da. Askotariko aplikazio komertzialetan erabiltzen da, hala nola mahuka eramangarrietan, aparatu ortopedikoetan, isolamendu elektrikoetan, eskularru medikoetan, elastomerozko mintzetan edo eta automozioko haizagailu-uhaletan.
Neopreno | |
---|---|
![]() | |
Mota | synthetic rubber (en) ![]() |
Identifikatzaileak | |
CAS zenbakia | 9010-98-4 |
Gmelin | 53724 |
ZVG | 11720 |
EC zenbakia | 618-463-8 |
ECHA | 100.127.980 |
MeSH | D009387 |
KEGG | C19502 |
Bestalde, uretako jardueretarako babes-jantziak egiteko material oso erabilia da neoprenoa eta kaleko hizkeran jantzi horiek izendatzeko termino generiko bilakatu da[2].
“Honek poltsa ireki, neoprenoa eta ur-betaurrekoak belardian utzi eta baselina-ontzitxo bati heldu dio.”
Neoprenoa sintetizatzeko kloroprenoa polimerizatzen da erradikal-polimerizaio bidez. Ekoizpen komertzialean, emultsio-polimerizazio prestatzen da potasio persulfatoa hasarazle gisa baliatuz.. Polimeroa saretzeko nukleozale bifuntzionalak, oxido metalikoak eta tioureak usatzen dira[3].
Neoprenoa 1930ean asmatu zuten DuPont enpresako kimikariek. DuPont-ek 1931n merkaturatu zuen lehen aldiz konposatua DuPrene izen komertzialarekin, baina bere aukera komertzialak jatorrizko fabrikazio-prozesuak mugatzen zituen, produktuari usain kirasduna lagatzen baitzion[4].
Produkzio-prozesua berritu zuten usaina ematen zuten albo-produktuak ezabatuz eta, aldi berean, ekoizpen-kostua erdira ekarrita. Berritasuna argi adierazteko 1937an neoprene izenez batailatu zuten. Horren gain marketin-kanpaina oso handi bat jarri zuten abian[5].
Neoprenoak kautxu naturalak edo beste kautxu sintetikoak baino gehiago eusten dio degradazioari. Geldotasun erlatibo horren ondorioz, neoprenoa oso egokia da aplikazio nekagarrietarako, hala nola junturak, mahukak eta erradiazioarekiko erresistenteak diren estaldurak. Itsasgarrietarako oinarri gisa, potentzia-transformadoreen instalazioetako zarataren isolamendurako eta betegarri babesle moduan kaxatan.
Erreketaren aurka hobeto egiten du hidrokarburoetan soilik oinarritutako kautxuek baino, su-ateetan eta sua borrokatzeko jantzietan agertzen da, hala nola, eskularruetan eta maskaretan. Muturreko baldintzekiko duen tolerantzia dela eta, neoprenoa zabortegiak estaltzeko usatzen da.
Bestalde, uretako jardueretarako babes-jantziak egiteko material oso erabilia da neoprenoa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.