Nelson zutabea (Dublin)
From Wikipedia, the free encyclopedia
Nelson zutabea (irlanderaz Colún Nelson eta ingelesez Nelson Pillar, Nelson's Pillar edota The Pillar) Irlandako Errepublikako Dublin hiriburuko O'Connell Street etorbidean kokatzen zen monumentu edo oroitarri bat izan zen, oroitarri honen gainaldean Horatio Nelson ingeles ofizial ospetsuaren estatua bat altxatzen zelarik, hortik oroitarriaren izena.
| Nelson zutabea (Dublin) | |
|---|---|
| Nelson's Pillar | |
.jpg) | |
| Kokapena | |
| Estatu burujabe |  Irlandako Errepublika |
| Province of Ireland |  Leinster |
| Desagertutako erakunde administratiboa |  Dublingo konderria |
| Hiria | Dublin |
| Koordenatuak | 53°20′59″N 6°15′37″W |
 | |
| Historia eta erabilera | |
| Eraistea | |
| Inaugurazioa | 1809ko urriaren 21a |
| Komisarioa | Dublin Corporation (en)  |
| Izenaren jatorria | Horatio Nelson |
| Suntsipena | 1966ko martxoaren 8a |
| Arkitektura | |
| Arkitektoa | Francis Johnston (en) William Wilkins (en) |
| Dimentsioak | 40,8 ( ) m |
Oroitarri hau 1808an Horatio Nelson ingeles ofiziala eta Trafalgarko guduan lortutako garaipenaren omenez eraiki zen. Halere, 1966ean IRAk bonba baten bidez suntsitu zuen.[1] Urte hartan bertan The Dubliners musika taldeak gertakari honi buruzko Nelson's Farewell abestia konposatu eta argitaratu zuen.
Hortaz, gaur egun bertan ez da eraikin honen arrastorik gelditzen, aldiz, gaur egun leku honetan The Spire delako altzairu herdoilgaitzezko kono luze kokatzen da.
Monumentua doriar estiloko 36,9 metroko garaiera zuen zutabe batek osatzen zuen, bere gainaldean 4 metro zituen Horatio Nelsonen estatua bat altxatzen zelarik, estatua hau Cork hiriko Thomas Kirk eskulturgilearen lana zen. Denera monumentuak 40,9 metroko garaiera zuen (Londres hirian kokatzen den Trafalgar Square plazako Nelson zutabea baino 10,7 metro motzagoa delarik). Zutabearen diametroa behealdean 4 metrokoa zen, aldiz goialdean 3 metrokoa zelarik.[2]
Ikusgai zeuden zutabearen zati guztiak Wicklow konderrian dagoen Kilbride udalerriko granitoz eginak zeuden. Barnealdea berriz kareharri beltzez osatuta zegoen.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
