Michael Operazioa (alemanez: Unternehmen Michael), Frantzian Pikardiako Bigarren Gudua bezala ere ezagutua, Lehen Mundu Gerraren amaieran alemaniarrek egindako erasoaldi militar handi bat izan zen, 1918ko martxoaren 21ean alemaniarren udaberriko Ofentsibari (Kaiserschlacht) hasiera eman ziona. Hindenburg lerrotik hasi zuten, Saint-Quentin inguruan, Frantzian. Ententeko aliatuen lerroak haustea eta ipar-mendebalderantz aurrera egitea zen bere helburua, Britainiar Armada Espedizionarioa (BAE) hornitzen zuen kanaleko portuak hartu eta BAE itsasora botatzeko. Operazioa hasi eta bi egunera Erich Ludendorff jeneralak, Alemaniako Estatu Nagusiko buruak, plana egokitu eta mendebalderantz eraso zuen, Somme ibaiaren iparraldeko fronte britaniar osoan zehar. Mugimendua Frantziako eta Britainia Handiko armadak bereizteko zen, BAEa itsasora bultzatzeko jatorrizko kontzeptuarekin jarraitu aurretik. Erasoaldia Villers-Bretonneuxen amaitu zen, aliatuen Amienseko komunikazio zentrotik ekialdera, aliatuek alemaniarren aurreratzea geldiaraztea lortu zuten lekuan. Alemaniarren amaierako porrotaren arrazoiak bi ziren nagusiki: ofentsibaren ondorioz Alemaniako armadak biktima gehiegi jaso zituen, aurrera bultzatzea galarazi zuena, eta hornidura arazoak etengabeak ziren.[1]
Datu azkarrak Data, Lekua ...
Michael Operazioa |
---|
Udaberriko Ofentsiba - Lehen Mundu Gerra |
Michael Operazioaren eguneroko mugimenduen mapa
|
Data | 1918ko martxoaren 21a - apirilaren 18a |
---|
Lekua | Ipar Frantzia |
---|
Koordenatuak | 49°54′N 3°18′E |
---|
Emaitza | Alemaniarren garaipen taktikoa Aliatuen garaipen estrategikoa |
---|
|
|
|
|
|
|
26 infanteria-dibisio 3 zalditeria-dibisio 23 Frantziar dibisio gehituko ziren guduaren amaieran |
72 dibisio |
---|
|
|
|
Itxi
Borrka eremuaren zati handi bat Sommeko guduak 1916an utzitako basamortua zen. Ofentsiba orokorraren porrotak Lehen Mundu Gerraren amaiera ekarri zuen Alemaniarentzat. Estatu Batuetatik errefortzu handiak Frantziara iristeak Ententeko hildakoak ordezkatu zituen, baina Alemaniako armadak ezin izan zituen bere galerak ordezkatu eta bere lerroak ofentsiba hasi baino ahulago geratu ziren. Michael operazioak ez zituen bere helburuak lortu, eta alemaniarren aurrerapenak Sommeko Bigarren Guduan galdu ziren, 1918an (abuztuaren 21etik irailaren 3ra) aliatuen Ehun Eguneko Ofentsibaren parte izan zena.[2]